Shahar basshysynyń aıtýynsha, jergilikti ákimdik qalalyq prokýratýramen birge, sondaı-aq memlekettik múlik jáne jekeshelendirý departamentiniń kómegimen mádenıet úıin megapolıstiń kommýnaldyq menshigine qaıtarý jóninde arnaıy jospar daıyndaǵan. Sóıtip, bıyl 13 qarashada Fosforshylar mádenıet úıin kommýnaldyq menshikke qaıtarý boıynsha kelisimge qol jetkizgen.
Sonymen eski mádenıet úıi keshendi Jastar saraıyna aınalady. Aldaǵy ýaqytta ǵımarat bastan-aıaq kúrdeli jóndeýden ótip, aınalasy abattandyrylyp, megapolıste taǵy bir jastarǵa arnalǵan mádenıet oshaǵy boı kóteretin bolady.
О́z kezeginde Fosforshylar saraıy qalanyń eń kórikti nysandarynyń birine aınalatynyna jáne halyq ıgiligine qyzmet etetinine senimdimin», dedi shahar basshysy áleýmettik jelide jazǵan jazbasynda.
Jalpy, birneshe jyl qaraýsyz qalǵan, megapolıstiń sheshim kútken basty máselesiniń biri bolǵan Fosforshylar mádenıet úıi búginge deıin «Darhan grýpp» seriktestiginiń menshiginde bolyp keldi.
ShYMKENT
