Sýretti túsirgen – avtor
Oblys ortalyǵynda mergendik mektebin ashý Ajar Rahmetqyzynyń armany edi. Ol buǵan deıin Glýbokoe aýdanynda dástúrli sadaq atý úıirmesin uıymdastyryp, jas mergenderdi daıyndaǵan. Daıyndaı da bermek. Oblysta basqa sadaq atý mektebi bolmaǵandyqtan, qalalyq jerden ashýdy osydan eki-úsh jyl buryn josparlaǵan. Biraq jebe ushatyndaı ǵımarat tabý ońaıǵa soqpady. Tabandylyqtyń arqasy shyǵar, kúni keshe mergen qyz Ertis pen Úlbi ózenderiniń túıisken tusynda keń saraıdaı ǵımaratta «О́skemen sadaq atý» ortalyǵyn ashty.
– Bir jyl buryn «Dástúrli sadaq atý» federasııasy qurylyp, oblystan da ortalyǵyn ashyp qoıýdy oılastyrdyq. Arman-maqsatym otbasymnyń, jaqyndarymnyń arqasynda júzege asty. Endi jattyǵý kestesin jasap, balalarǵa, jastarǵa, jasóspirimderge sadaq atýdy úıretemiz. Jalpy, jas shekteýi joq. Esigimiz ashyq, – deıdi ortalyqtyń jetekshisi Ajar Rahmetqyzy.
Ertesinde О́skemenniń tórinde sadaq atýdan tartysty týrnır ótti. Sadaqshylar saıysyna 80 mergen qatysyp, baǵy men babyn synady. Aıta ketý kerek, jarystyń ótýine «Keremet sadaq atý» jáne «Keremet mebel» ortalyqtary demeýshilik kórsetti, oblystyq sport basqarmasy qoldady. Al týrnırdi uıymdastyrýdyń basy-qasynda Ajar Rahmetqyzy ózi júrdi. Saıys sońynda júldegerlerge aqshalaı syılyqtar men medaldar tabys etildi.
О́skemen
