Stýdenttik shaq – jastardyń ómirindegi erekshe kezeńderdiń biri. Sondyqtan merekelik is-shara da stýdentterdiń esterinde máńgige saqtalatyny sózsiz. Kesh shymyldyǵy fakýltet dekany, professor Qaırat Saqtyń aıtýly merekeniń basty keıipkerlerin quttyqtaýmen ashyldy. Jýrnalıstıka jáne saıasattaný fakýltetiniń aǵa oqytýshysy Gúljazıra Ertasova uıymdastyrǵan saltanatty jıyn bilim alýshylardyń án shyrqap, burala bı bıleýimen órilip, stýdenttik ómirdi beıneleıtin «Stýdentter syry» fılmimen jalǵasty. Áserli fılmnen soń ári qaraı án aıtylyp, kúı tógilip, jyr oqylyp, jumbaq jasyrylyp, kókirek kózin ashar tanymdyq dúnıeleri men kóńil kókjıegin keńeıter kórkem kórinister kópshilikke usynyldy.
Halyqaralyq mereke fakýltette de halyqaralyq deńgeıde ótti desek artyq aıtpaımyz. Sebebi, ıspanııalyq ǵalym, kınosynshy Aleksandr Alekseevıch Pronın qatysyp, júrekjardy lebizin bildirip, stýdentterge tilegin jetkizdi.
Sondaı-aq ýnıversıtettiń Jastar departamenti dırektory Jambyl Tilepov, «Egemen Qazaqstan» respýblıkalyq gazeti Internet-redaksııasynyń jetekshisi Qýat Áýesbaı stýdenttik shaqtaǵy estelikterin bólise kele, stýdentterdi halyqaralyq merekemen quttyqtady.
Merekelik kesh sońynda stýdentter dástúr boıynsha ózderi túsirip, ózderi óńdep, montajdap, árlegen fılmniń tárelkesin fakýltet basshysyna estelikke syıǵa tartty.
Aıshyqty sharadan professor-oqytýshylar quramy men stýdentter qaýymy jáne qonaqtar zor rızashylyqpen tarasty.
