Sonymen 17 qarashada atalyp ótken Halyqaralyq shala týǵan balalar kúninde Pampers brendi Qazaqstandaǵy Qyzyl Jarty Aı qoǵamymen birge «Perınatologııa jáne balalar kardıohırýrgııasy ortalyǵynda» erekshe otbasylyq mereke uıymdastyrdy. Mereke merziminen buryn týǵandardy qoldaýǵa baǵyttalǵan «Eń kishilerge – úlken qamqorlyq» bastamasyn márege jetkizdi.
Meıramnyń eń basty oqıǵasy – torǵaıda ǵana bolyp kelgen sábılerge «Kishkentaı batyr» syılyǵyn tabystaý bolsa, merziminen erte týǵan árbir bala Pampers kompanııasynyń syılyǵy men «Rýh kúshi jáne ómiriniń alǵashqy sátinen ózine degen senimi úshin» maqtaý qaǵazyn aldy.
«Búgin biz dúnıege kelýge asyqqan kishkentaı batyrlarmen birgemiz. Sondyqtan Halyqaralyq shala týǵan balalar kúnin bizben birge týa salyp ómirlerin kúrespen bastaǵan jáne osy joldy batyldyqpen jeńe bilgen búldirshinder atap ótip jatyr. Erekshe merekege osy sábılerdiń áke-sheshelerimen birge, osy qıyndyqtardy qosyla eńsergen Perınataldy ortalyqtyń dárigerleri de qosyldy. Shyndyǵynda bul mereke – «Eń kishilerge – úlken qamqorlyq» kampanııasyna muryndyq bolyp otyrǵan bizdiń kompanııanyń da qýanyshy. Biz mundaı saýapty bastamany Qazaqstanda birinshi ret qolǵa alyp otyrmyz. О́mirge shyr etip kelgen sátinen bastap qıyndyqtarǵa tap bolǵan ony jeńe bilgen sharalanalar saltanatty jaǵdaıda qandaı qurmetke bolsa da laıyqty. «Eń kishilerge – úlken qamqorlyq» kampanııasynyń aıasynda Pampers brendi Qazaqstandaǵy eń iri alty perınataldy ortalyǵy men elimizdegi balalar aýrýhanalaryndaǵy shala týylǵan sharanalarǵa tegin túrde 650 myńnan asa arnaıy jórgek tarata otyryp, sábılerdi ońaltýdy qarjylandyrýǵa kómektesedi. Al shala týǵan sábılerge arnalǵan jórgekterdi biz Qazaqstanǵa tegin jetkizip, perınataldy ortalyqtar men perzenthalarǵa taratyp beremiz, satylymda joq. Mundaı jórgekter asa jumsaq, qaýipsiz materıaldardan jáne salmaǵy bir kıloǵa da jetpeı týylatyn bópelerdiń salmaǵyna, terileriniń tym náziktigine eseptelinip jasalǵandyqtan, bul ata-analaryna da aıtarlyqtaı kómek», deıdi Ortalyq Azııadaǵy Procter & Gamble basshysy Rýslan Gamzaev.
Qazaqstandaǵy Qyzyl Jarty Aı qoǵamynyń bas dırektory Marat Meldehanov bedeldi brendpen seriktese jumys istep otyrǵandaryn mártebe tutatynyn aıta kele: «Bizdiń birinshi kezektegi mindetimiz – joba ınfraqurylymyn uıymdastyrý, sapaly qoldaý men qaıyrymdylyq jobanyń barynsha tıimdiligin qamtamasyz etý boldy», dedi.
«Shala týǵan balalar jalpy sanynyń tórtten bir bóligi, óte ekstremaldy dene salmaǵymen – bir kılogrammnan da tómen bolyp dúnıege keledi. Alaıda, jyl ótken saıyn medısınanyń bul salasy damyp kele jatqandyqtan, dúnıege kelýge asyqqan balalarǵa qamqorlyq kórsetý biz úshin jeńildep jatyr», deıdi Perınatologııa jáne balalar kardıohırýrgııasy ortalyǵynyń neontologııadaǵy medısınalyq qyzmetter sapasyn baqylaý bóliminiń basshysy Lázzat Ońalbaeva.
Mereke kezinde dárigerlerdiń Perınataldy ortalyqta ózderi kindigin kesken deni saý ári ósip qalǵan balalarmen kezdeskende jan tolqytarlyq áserli sátteri de kóp boldy. Al «Kezinde jáne qazir» fotosýretter kórmesine sharanalardyń endi týylǵan jáne ósip kele jatqan kezderindegi sýretteri qoıyldy.
