Baıqaý shymyldyǵyn Aqsý jáne Ekibastuz qalalarynyń ónerpazdary túrdi. О́ner saıysyn uıymdastyrýshy, «Shańyraq» oblystyq ortalyǵynyń dırektory Zamıra Soltanova ónerpazdarǵa sáttilik tilep, jalpy jobanyń óńir ónerpazdarynyń arasyndaǵy shyǵarmashylyq baılanysty nyǵaıta túsýde mańyzy zor ekenin atap ótti.
«О́ner dodasy» baıqaýy óńir-óńirdi jarystyrýdy ǵana emes, tabystyrýdy kózdeıdi. Qazaq «El ishi – óner kenishi» degen. Sol kenishti aqtaryp, halyq aldyna usynsaq, talapty jandardyń talantyn ushtasaq degen nıetten osy bir saıys bastaý aldy. Sondyqtan ár óner quramasy tájirıbeli óner ıelerimen birge buryn-sońdy úlken sahnaǵa shyqpaǵan jastardy da báıgege qosa aldy degen senimdemiz», dedi ol.
Baıqaýǵa Aqsý, Ekibastuz qalalary jáne Aqtoǵaı, Aqqýly, Baıanaýyl, Ertis, Jelezın, Maı, Pavlodar, Tereńkól, Ýspen, Sharbaqty aýdandary, sonymen birge Pavlodar qalasynyń aýyldyq aımaqtary men Maıqaıyń kentiniń ónerpazdarynan quralǵan 14 óner quramasy qatysty. Shart boıynsha qatysýshylar jeti baǵytta: dástúrli án, terme, kúı, aıtys, halyqtyq ansambl, sırek kezdesetin ulttyq aspap, halyqtyq bı boıynsha synǵa tústi.
Saıys jekpe-jek formatynda uıymdastyrylyp, jeti kezeńdegi saıyskerlerdiń ónerine jergilikti mádenıet qaıratkerleri, óńirge tanymal aqyndar men sazgerler, ánshi-kúıshiler qazylyq etip, baǵa berdi.
Aqtyq synda kórermen qaýym Ýspen men Aqqýly aýdandarynyń tamasha ónerine kýá boldy. Nátıjesinde, alǵashqy atalǵan quramanyń dodaǵa tyńǵylyqty daıyndyqpen kelgeni belgili boldy. Qazylar alqasynyń sheshimimen Ýspen aýdany óner synynyń jeńimpazy atanyp, bas júldege tigilgen 1 mln teńgeni oljalady. Al ekinshi oryn Aqqýly aýdanynyń enshisine jazylsa, Baıanaýyl aýdany men Maıqaıyń kenti úshinshi satydan kórindi.
О́ńirlik mádenıet, tilderdi damytý jáne arhıv isi basqarmasynyń basshysy Medet Taýasqan atap ótkendeı, joba maqsatyna jetti. Keler jyly «О́ner dodasynyń» aýqymyn, júlde qoryn da kóbeıtý oıda tur. «Eldiń abyroıyn asqaqtatatyn sala – óner. Al óner adamyna qoldaý kórsetý siz ben bizdiń basty mindetimiz bolýǵa tıis. Bıyl jeti baǵyt-kezeńdi teń tarta almaǵan óńirlerdiń mádenıet salasynyń basshylary men ákimdikteri kemshilikterimen jumys isteıdi dep senemiz. Ulttyq ónerge qoldaý kórsetken aýdan basshylary búgin sonyń jemisin kórdi», deıdi ol.
PAVLODAR
