Qaqtyǵys aımaǵyndaǵy otandastarymyz elge oraldy

Áýejaıdaǵy barlyq min­detti rásimnen ótkennen keıin aza­­mattarǵa ýaqytsha bas­pana be­rilip, olarǵa qajetti qu­qyq­­tyq, medısınalyq jáne ózge de kómek kórsetildi. Asa aýyr mindetti Qazaqstannyń Iz­raıldegi, Ior­danııadaǵy jáne Mysyrdaǵy elshilikteri aby­roımen oryndap, atalǵan mem­leketterdegi ýákiletti organda­rymen jáne halyqaralyq uıym­darmen bir­lese úılesimdi ju­mys istedi.

Taıaý Shyǵys óńiriniń syrtqy saıası vedomstvolarynyń bas­shy­lyǵymen kelissózder qo­rytyndysy boıynsha SIM azamattarymyzdyń Gaza sektorynan qaýipsiz jáne esh ke­dergisiz shyǵýy týraly ýaǵda­lastyqqa qol jetkizdi.

Aıta keterligi, 15 qarashada evakýasııanyń birinshi kezeńi júzege asyrylǵan-dy. Nátı­je­sin­de, «Rafah» baqylaý-ótki­zý pýnkti arqyly Gaza sektorynan Mysyr aýmaǵyna 92 Qazaqstan azamaty men olardyń otbasy músheleri ótti.

Qazaqstan dıplomat­tary otan­­das­tarymyzǵa bar­lyq qa­­jetti konsýldyq-quqyq­tyq jáne psı­hologııalyq kómek kór­setti. Shekaradaǵy rásimder­den keıin azamattarymyz kolonna qu­ra­mynda jolǵa shyǵyp, ja­qyn mańdaǵy Kaır qalasyna jet­kizildi.

Osy oraıda ótken aptada Premer-mınıstrdiń orynbasary – Syrtqy ister mınıstri Murat Nurtileý Izraıl Syrt­qy ister mınıstri Elı Koenmen telefon arqyly sóılesip, eva­kýa­sııalaý máselesin talqylaǵan-tuǵyn.

Suhbat barysynda tarap­tar saýda-ekonomıkalyq, ın­ves­tısııalyq jáne mádenı-gý­ma­nıtarlyq salalardaǵy eki­jaqty qarym-qatynastardyń úde­meli sıpatyn atap ótti. Iz­raıl Syrtqy ister mı­nıstri Taıaý Shyǵystaǵy Izraıl men pales­tınalyq HAMAS qozǵa­lysy arasyndaǵy qaqtyǵys aıasyn­daǵy qazirgi jaǵdaımen tanystyrdy.

M.Nurtileý qaqtyǵystyń shıelenisýine jáne áskerı is-qımyl aımaǵyndaǵy jaǵdaıdyń órshýine alańdaýshylyq bildirdi. SIM basshysy qazirgi qaqtyǵysqa qatysty Qazaqstannyń ustany­myn jetkizdi. Mınıstr qaqty­ǵysýshy taraptardy Taıaý Shy­ǵysta beıbitshilik pen turaq­tylyqtyń joldaryn izdeý­ge shaqyrdy. Bul máseleniń búkil álem qaýymdastyǵy úshin jahandyq mańyzy bar ekenine nazar aýdardy.

Osy turǵyda Qazaqstan dıplomaty Prezıdent Qasym-Jomart Toqaevtyń TMD Sam­mı­tindegi málimdemesin atap ótip, jaǵdaıdyń shıelenisýi Taıaý Shyǵysta ǵana emes, jalpy álemde aýyr zardaptarǵa áke­lýi múmkin ekenin basa aıtty. Osyǵan baılanysty Qazaq­stan Izraıl-Palestına shıe­lenisin beıbit kelissózder men dıplomatııalyq dıalog arqyly sheshýge beıildi.

M.Nurtileý ızraıldik árip­tesine Gaza sektoryndaǵy Qa­zaqstan azamattaryn evakýa­sııa­laýǵa járdemdesý týraly ótinish bildirip, bul min­dettiń elimiz úshin birin­shi ke­zektegi basymdyq eke­nin atap ótti. Ol sondaı-aq E.Koendi qa­zaq­standyqtardyń Otany­myz­ǵa tezirek oralýy boıynsha My­syr bıligimen júr­gizilip jat­qan jumys barysy týraly habar­dar etti. Mınıstr E.Koen beril­gen aqparat úshin árip­tesine alǵys aıtyp, Izraıl tarapy Qazaqstan azamattaryn evakýasııalaý máselesin sheshýge bar kúsh-jigerin salatynyn jáne bul máseleni óziniń jeke baqylaýyna alatynyn jetkizdi.

Qazaqstandyq dıplomattar qaqtyǵys aımaǵynda qalyp qoı­ǵan Qazaqstan azamattary­na kómek kórsetý jáne eva­kýasııalyq is-sharalardy uıym­dastyrý jónindegi jumys­ty jalǵastyrady.