Mýzeıdegi erekshe kesh

Jastardyń shyǵarmashylyq qabile­tin ushtaýǵa baǵyttal­ǵan joba erkin formatta ótýi­men erekshelendi. Stý­dent­­ter «Dom­byra patı» baǵdar­lama­­syn­­da Abaı Qunanbaıuly, Ma­ham­bet О́temisuly, Bir­jan sal dombyralarynyń kóshir­me­lerin­de oınaý múmkindigine ıe bolsa, «Oıshyldar alańy» ǵylymı-tanymdyq oıynynda tapqyrlyqtaryn ortaǵa saldy. Keshtiń kórkin qyzdyrý úshin joǵary oqý oryndary stý­dentterinen quralǵan KVN komandalary «Mýzeı kýbogin» sarapqa salyp, qoǵamdaǵy keleń­sizdikterdi astarly ázilmen syn­ǵa alǵan qyz-jigitter jınal­ǵandardy tánti etti. Al jobanyń bas seriktesi – Temirbek Júr­genov atyndaǵy Qazaq ulttyq óner aka­demııasynyń ta­lantty stýdentteriniń shyǵarmashylyq kon­serti kesh mazmunyn baıyta tústi.

Taǵylymdy shara ári qaraı birneshe jyly júzdesýge ulasty. Qazaq óneriniń maıtalmandary Bolat Ábdilmanov, Esen­geldi Tuıaqov, tanymal bylǵary qolǵap sheberi Qanat Islam stýdentterge óz ómir belesteri týraly jar­qyn esteliktermen bólisip, sheberlik sabaqtaryn ótkizdi.

– Stýdenttik shaq – adam ómi­riniń eń bir shýaqty kezeńi. Onyń ústine Almaty – shyǵarmashyl jastardyń qaınaǵan ortasy. Talantty stýdentterdi bir alań­da toǵystyrý, sol arqyly olardyń shyǵar­mashylyq áleýetin arttyryp, shabyttandyrý kópten oıǵa alǵan isimiz bolatyn. Jobanyń ult tarıhy men mádenıetiniń eń máıekti muralary saqtalǵan mýzeıde ótýiniń de sımvolıkalyq máni zor. Jas­tardy halqynyń rýhanı murasyn tanyp bilýge, mýzeı qyzmetkeriniń kásibine degen qyzyǵýshylyqtaryn oıatýǵa sep bolǵymyz keldi. Rýhanı tanymy berik urpaq – tarıhymyz ben mádenıetimizdiń er­teńgi janashyry. Sol sebepti de qazaq ónerine, sportyna, mádenıeti­ne qaltqysyz qyzmet etip kele jatqan aǵa-apalaryn arnaıy shaqyryp, stýdentterge motıvasııa berýdi kózdedik, – deıdi Memlekettik ortalyq mýzeı dırektory Rashıda Harıpova.

Mýzeıdiń barlyq zalyn erkin aralaǵan qonaq­tar ásem aıshyq­tarmen bederlengen foto­aımaq­ta sýretke tústi. Is-sharanyń ar­naıy heshtegin jelige júktep kóp pikir men qaralym jınaǵan jastarǵa murajaıdyń «Ashyq qor» jáne «Antropologııa» zaldaryna tegin bılet usynyldy. Tanym orda­­syna alǵash aıaq bas­qan Ál-Farabı atyn­­daǵy Qazaq ulttyq ýnıversıtetiniń stý­­denti Alına Ǵalymjanqyzy mýzeıdegi qyl­­qalam sheberleriniń klas­sıkalyq týyn­dy­laryn óz kózi­men kórgenine dán rıza. Ol bu­dan bylaı mýzeıge aıyna bir már­te kelip turýdy ádetke aınal­dyrǵysy keletinin aıtady.

ALMATY