m_besbaev
«At er qanaty. Atqa qonǵan balýannyń yqylasyn, eldiń tileýin tilegen el-jurt úlkenderdiń batasyn qashan alasyń? Meırambektiń kókparyn qashan tartamyz? Sońǵy kezde aýylǵa, týǵan ólkege barǵanda aldymnan kóp shyǵatyn saýal. Alǵashynda bos maqtan úshin dep el sóger, jurt bosqa mal shashyp jatyr dep aıtar… Osyndaı kóp kúmánmen kelispeı júr edim. Kókpar kóptiki ǵoı degen tileýles dos-jaran bir sheshimge keltirip, salym deıtin olja qoryn ózderi kóterip otyr. Salym qory jıyrma bes mıllıon teńge. Odansha ol qarjyny nege qaıyrymdylyqqa jumsamaıdy dep aldyn-ala sókpeńizder. Qaırymdylyqty kókparǵa deıin de jasap kelem, kókpardan keıin de jasala beredi. Al nesibesi men eńbegi kókparǵa baılanǵan azamattardy meniń de eleýim zańdylyq shyǵar», degen ánshiniń bata kókpary tún aýǵansha tartyldy.
Ánshi ınstagram paraqshasynda dúbirli dodanyń ótýine atsalysqan jaqyndaryna alǵysyn aıtyp, «kókpardyń qanshalyqty mazmundy-maǵynaly ekenin jáne bul dástúrdiń qaltarys-bultarysyn sezinip tolqyǵanyn» da jetkizdi.
At jaratyp, kókpar dýyn kútip júrgen jandardyń eńbegi eren ekenin kózin jetkizgen óner ıesi Jambyl oblysynyń ákimdigine de razylyǵyn bildirdi.
«Jambyl oblysy ákimdigine alǵys aıtqym keledi. Tártip, tazalyq, saqtyq basqa da halyqqa qyzmet kórsetý sapasynda bir min bolǵan joq», dedi ánshi.
