Foto: ashyq derekkóz
Tótenshe jaǵdaılar mınıstrligi 23 qarasha kúni respýblıka terrıtorııasynda bir ýaqytta dabyl sırenalaryn iske qosady. Ol úshin elektr sırenalary, sırenalyq-sóıleý qurylǵylary iske qosylyp, televıdenıe jáne radıoǵa qosylý júrgiziledi.
Is-shara «Qys-2023» respýblıkalyq komandalyq-shtabtyq oqý-jattyǵýy aıasynda ótedi.
«Esterińizge sala keteıik, tótenshe jaǵdaı oryn alǵan kezde halyqtyń nazaryn aýdarý úshin elektr sırenalar, sırenalyq-sóıleý qurylǵylary nemese basqa da dabyl quraldary qosylady, ol «Barshanyń nazaryna!» biryńǵaı qulaqtandyrý dabylyn bildiredi. Bul dabyldy estigen kezde turǵyndar oryn alǵan jaǵdaı kezinde áreket etý týraly málimetter men nusqaýlar alý úshin qoljetimdi aqparat qabyldaý quraldaryn telearnalar, radıolar, ınternet saıttar, áleýmettik jeliler, mobıldi qurylǵylarǵa arnalǵan qosymshalar jáne t.b. dereý qosýy kerek», delingen mınıstrlik habarlamasynda.
Tótenshe jaǵdaılar mınıstrligi azamattardy sabyr saqtap, úreıge boı aldyrmaýǵa shaqyrdy.
