Búginde Qazaqstanda 550-den astam brıtandyq kásiporyn jumys istep jatyr, olardyń arasynda Shell jáne Ernst & Young sııaqty jetekshi kompanııalar bar.
Memleket basshysynyń aıtýynsha, Qazaqstan men Ulybrıtanııa arasyndaǵy taýar aınalymy byltyr 60 paıyzǵa artyp, 1,8 mıllıard dollardy qurady.
– Biz Londonmen saýda jáne ınvestısııa salalaryndaǵy baılanystarymyzdy keńeıtýge múddelimiz. Brıtandyq taraptyń da Qazaqstanmen jan-jaqty yntymaqtastyqty damytýǵa nıet tanytyp otyrǵanyn erekshe atap ótkim keledi, – dedi Prezıdent.
О́z kezeginde Nýsrat Ganı qurmet kórsetkeni úshin Qasym-Jomart Toqaevqa jáne Qazaqstan halqyna rızashylyǵyn bildirip, Ulybrıtanııa tarapy ekijaqty baılanystardy damytýǵa basa mán beretinin atap ótti.
