Foto: gov.kz
Ortalyq ofıserler úıinde eki eldiń qorǵanys mınıstrleri general-polkovnık Rýslan Jaqsylyqov pen general-leıtenant Vıktor Hrenınniń kezdesýi ótip, 2024 jylǵa arnalǵan yntymaqtastyq josparyna qol qoıyldy.
General-polkovnık Rýslan Jaqsylyqov áskerı yntymaqtastyq salasyndaǵy Qazaqstan-Belarýs qatynastarynyń deńgeıi artyp kele jatqanyn alǵa tartty. «Qazaqstan tynyshtyqty jaqtaıtyn memleket retinde beıbitshilikti saqtaýǵa, ári UQShU-nyń jaýapkershilik aımaǵyndaǵy qaýipsizdikti qamtamasyz etýde birlesken jumystarǵa múddeli», dep atap ótti.
Qazaqstannyń Qorǵanys mınıstri «Jeńis» monýmentine gúl shoqtaryn qoıý rásimine qatysty.
Sondaı-aq Belarýs Respýblıkasy áskerı akademııasynyń Qarýly Kúshteri Bas shtabynyń fakýltetinde brıfıng ótti. Onda Qazaqstan delegasııasy oqý ornynyń áskerı kadrlaryn daıarlaý qurylymymen, mindetterimen, júıesimen tanysty.
Qorǵanys vedomstvosynyń basshysy general-polkovnık Rýslan Jaqsylyqov Belarýs áskerı akademııasynda oqıtyn Qazaqstannyń áskerı qyzmetshilerimen de kezdesti. Ol bilim berý baǵdarlamalarynyń mazmunyna, oqý prosesine jáne áskerı qyzmetshiler men olardyń otbasy múshelerine arnalǵan turmystyq jaǵdaılarǵa da nazar aýdardy.
