Osy oraıda astanalyq polısııa departamenti qyzý jumysqa kirisken. Búgin tańerteńnen beri bas qalada qyryq-shaqty jol-kólik apaty tirkeldi. Bul týraly Departament qyzmetkerleri aýa raıynyń nasharlaýy men jaýyn-shashynǵa, kóktaıǵaqqa baılanysty jol qozǵalysynyń barlyq qatysýshylaryna barynsha muqııat jáne saq bolýdy eskertti.
«Jol qozǵalysy erejelerin, jyldamdyq rejımin, qaýipsiz qashyqtyqty, manevr erejelerin jáne búıirlik aralyqty qatań saqtańyzdar. Kólik júrgizýshileri shuǵyl manevrler men tejeý jasaýdan bas tartýy qajet. Sondaı-aq rýlde gadjetterdi paıdalanbańyzdar. Jol erejelerin elemeý, atap aıtqanda jyldamdyq rejımin saqtamaý qaıǵyly saldarǵa ákelýi múmkin. Kúndizgi jaryq azaıǵanda qaýip arta túsedi. Jańbyrly aýa raıynda kóriný shekteýli bolatynyn eske salamyz», delingen polısııa departamentiniń áleýmettik jelidegi paraqshasynda.
Aıta keteıik, jańbyr, daýyldy jel men kóktaıǵaqqa baılanysty Astanadan shyǵatyn barlyq joldar jabyldy.
