para_karate_kazakhstan
Sporttyń osy túrinen álemdik saıysty Astana qalasy alǵash ret qabyldap otyr. Birneshe memleketten keletin 300-ge jýyq para karate sportynyń sheberleri dodaǵa túsetin saıysqa qatysýshylar 7-65 jas aralaǵynda. Álem chempıonaty Álem birinshiligi Týrızm jáne Cport mınıstrliginiń sport jáne dene shynyqtyrý isteri komıteti, Astana qalasynyń Dene shynyqtyrý jáne sport basqarmasy, Para karate federasııasy men Astana qalasy ákimdiginiń «BJSM, múgedektigi bar adamdarǵa arnalǵan sport mektebiniń» qoldaýymen ótedi.
Tirek – qımyl apparaty, kórý múshesi zaqymdanǵan, sonymen qatar ıntellektýaldy damý deńgeıi tómen sportshylardyń dodasy «Bılaın arena» kesheninde bolady. «Bul jarystyń basty ereksheligi – dene múmkindiginde damý erekshelikteri bar adamdardyń belsendiligin oıatyp, qoǵamdyq ómirge tartý, sonymen qatar sportshynyń daryndylyǵyn damytý, ózderiniń áleýetin dáleldeýge múmkindik týǵyzý», dedi Para karate federasııasynyń prezıdenti Meıramgúl Dúkıeva.
