Foto: gov.kz
R.Vasılenko ekijaqty qarym-qatynastardyń sharttyq-quqyqtyq bazasyn dáıekti ártaraptandyrýdyń mańyzdylyǵyn atap ótti. О́z kezeginde, shved syrtqy saıası vedomstvo ókilderi Shvesııanyń seriktesi retinde Qazaqstanmen dıalogty jalǵastyrýǵa jáne yntymaqtastyqty tereńdetýge múddelilik tanytty.
Kelissózder barysynda taraptar halyqaralyq máseleler men kópjaqty yntymaqtastyqtyń kún tártibine erekshe nazar aýdardy. Taraptar ıadrolyq qarýsyzdaný jónindegi Stokgolm bastamasy sheńberinde ári qaraı tıimdi yntymaqtastyqtyń jáne osy saladaǵy ózge de halyqaralyq máselelerdiń ilgeriletýdiń mańyzdylyǵyn atap ótti.
Sonymen qatar mınıstrdiń orynbasary R.Vasılenko Shvesııa Syrtqy ister mınıstrliginiń ókilderin negizgi syrtqy saıası basymdyqtar men Qazaqstannyń konfessııaaralyq dıalogty ilgeriletý, onyń ishinde Astanada Álemdik jáne dástúrli dinder lıderleriniń sezin uıymdastyrý týraly habardar etti. Taraptar halyqaralyq arenada dinaralyq kelisimdi saqtaý men nyǵaıtýdyń mańyzdylyǵyn atap ótti.
