Infografıkany jasaǵan – Záýresh SMAǴUL ,«EQ»
Qyzylorda qazir qaýipsiz óńirler qatarynda tur. Jalpy qylmys – 4, asa aýyr qylmys – 19, onsha aýyr emes jáne aýyrlyǵy ortasha túri – 16, urlyq – 16, mal urlyǵy 49 paıyzǵa tómendegen. Qoǵamdyq oryndar men kóshelerde mas kúıinde qylmys jasaıtyndar qatary sıregen.
– Búginde esirtkimen kúres mańyzdy baǵyttardyń birine aınalǵany ras. Mınıstrliktiń keńeıtilgen alqa otyrysynda Memleket basshysy Qasym-Jomart Toqaev esirtki tasymalynyń jolyn kesip, oǵan baılanysty qylmystardyń aldyn alýǵa baılanysty naqty tapsyrma berdi. Bul baǵyttaǵy departament qyzmetkerleri jumysyn myna sıfrlar dáıektep tur. Jyl basynan 241 esirtki qylmysy tirkelip, zańsyz aınalymnan 2 tonna 304 kg esirtki zaty tárkilendi. Polıseıler oblys aýmaǵynan esirtki óndiretin 2 fıto-zerthanany anyqtap, áleýmettik jelilerde monıtorıng júrgizý barysynda «Kıberqadaǵalaý» aqparattyq júıesine sıntetıkalyq esirtki jarnamalaıtyn 70 saıt engizilip, onyń 42-si buǵattalsa, qalǵany tekserilip jatyr, – deıdi oblystyq polısııa departamentiniń basshysy, polısııa general-maıory Maqsuthan Áblázimov.
Bıylǵy 1 maýsym – 31 qazan aralyǵynda ótken respýblıkalyq «Qarasora» jedel profılaktıkalyq is-sharasy aıasynda polıseıler 163 quqyq buzýshylyqty anyqtady. Osy aralyqta esirtki ósirýmen aınalysqan 61 adam ustalyp, 24-i qamaýǵa alynǵan. Talaılarǵa qasiret ákelgen qarasoranyń 17 myń 828 túbi joıyldy.
Jyl basynan beri óńirde jol júrý erejesin buzýdyń 171 myńnan asa deregi anyqtalyp otyr. Osynyń 95 myńnan astamy jyldamdyq asyrý, jaıaý júrginshige jol bermeý, kólik tizgininde uıaly telefon qoldaný, masań kúıde kólik aıdaý sekildi jol apatyna tikeleı áser etetin óreskel quqyq buzýshylyqtar. Osydan da jol-kólik oqıǵasy, odan jaraqat alǵandar sany ósken. Sondyqtan osyndaı oqıǵalardyń aldyn alý maqsatynda kúndelikti taldaý jasalyp, «Qaýipsiz jol», «Zańsyz jolaýshy tasymaldaýshy», «Balalardyń joldaǵy qaýipsizdigi», «Avtobýs», «Quqyqtyq tártip» sekildi jedel profılaktıkalyq is-sharalar turaqty júrgizilip keledi. Eldi mekenderge mobıldi keshender jumyldyrylyp otyr. Apparattyq keshender men zııatkerlik qıylystar «MegaKamQorǵaý» mobıldi baǵdarlamasyna qosylǵan.
Departament basshysy búginde balalarynyń nemen aınalysyp jatqanyna mán bermeıtin jumysbasty ata-analardyń bar ekendigin de atap ótti. El bolashaǵynyń tutqasyn ustaıtyn balalardyń jaqsy tálim-tárbıe alyp, jan-jaqty azamat bolyp jetilýi jeke adamnyń ǵana emes, kúlli qoǵamnyń aldynda turǵan mindet. О́ıtkeni kámeletke tolmaǵandardyń tárbıesine kóńil bólmeý olardyń quqyq buzýshylyqqa qaraı qadam basýyna jol ashady. Sondyqtan polısııa departamentiniń qyzmetkerleri jasóspirimder tárbıesine múddeli memlekettik organdarmen birlesip, kámeletke tolmaǵandar jasaıtyn quqyq buzýshylyqtyń aldyn alý jáne qylmysqa qarsy kúres tıimdiligin arttyrýdyń túrli sharasyn júzege asyryp keledi. Osy baǵytta «Jasóspirim – Kóshe», «Zań – Bala – Qaýipsizdik», «Túngi qaladaǵy balalar», «Túngi qala», «Jasóspirim» atty jedel profılaktıkalyq is-sharalar turaqty ótkiziledi. Bıyl balalar qolymen jasalǵan 46 qylmys tirkelip, 58 jasóspirim qylmystyq jaýapkershilikke tartyldy. Olardyń qatarynan 20 mektep oqýshysy, 33 kolledj stýdenti tabylýy oılantarlyq jaǵdaı.
Búginde ishki ister organdaryndaǵy jumysty avtomattandyrý, sıfrlandyrý jáne ońtaılandyrý sharalary qabyldanyp keledi. «Elektrondyq qylmystyq is júıesi» aıasynda jeke quram 100 paıyz qamtylyp, qazirgi ýaqytta qylmystyq ister elektrondyq formatta tergelip jatyr. Bul júıe azamattarǵa tergep-tekserý barysyn qadaǵalaýǵa múmkindik beredi. Qoǵamdyq oryndarda, mektepterde, saýda jáne oıyn-saýyq ortalyqtarynda shuǵyl shaqyrý júıelerine «Dabyl batyrmalary» ornatyldy. Olardan túsken dabyl dereý jedel basqarý ortalyǵyna nemese polısııanyń jaqyn mańdaǵy kezekshi bólimine túsedi.
– Polısııa óz ar-ojdanynyń aldynda taza bolýdy basty ustanym etkende ǵana qoǵamnyń da zańnan mártebeli eshteńe joqtyǵyna kózi jete túsedi. Ádiletti Qazaqstannyń ózegi zań men tártip ústemdigi ekenin atap aıtqan Memleket basshysynyń tapsyrmalaryn júzege asyrý baǵytynda jurt máselelerin tereń zerdelep, ony túbegeıli sheshý úshin olarmen bite qaınasyp jumys isteýimiz qajet. Osylaı etkende ǵana turaqtylyq pen kelisimdi qorǵaıtyn, tynyshtyq kúzetindegi polısııa jumysy nátıjeli bolmaq. Bizdiń qazirgi maqsat-múddemiz osy. Degenmen, ár salanyń óz kem-ketikteri bolatyny aıqyn. Bar isimizdiń synshysy – halyq. Turǵyndar talap-tilegi men usynys-pikirlerin eskere otyryp, qandaı da bir kemshilikterdi joıýǵa tyrysyp kelemiz. Iаǵnı aıtylar synǵa da, kópshilik tarapynan túsetin utqyrly usynysqa da ashyqpyz, – deıdi departament basshysy.
QYZYLORDA
