Dýaldy júıe - teorııa men praktıkany ushtastyra oqytý túri. Oqý oryndary men kásiporyndardyń ózara tıimdi yntymaqtastyǵy sheńberinde stýdentter bilim berý mekemesinde teorııalyq bilim alady, al praktıkalyq daǵdylardy beıindi uıymdaǵy jumys ornynda bekitedi.
Bolashaq mamandar úshin – bul qarjylyq táýelsizdik alýdyń taǵy da bir tamasha múmkindigi, óıtkeni olar oqý kezinde kásiporyndardan 150-200 myń teńge kóleminde jalaqy alady. Budan basqa, óndiristik praktıka kezeńi avtomatty túrde eńbek ótiline alynady. Kolledjdi bitirgennen keıin jaqsy daıarlyqtan ótken jumysyna qaıta oralý múmkindigi bar.
– Dýaldy oqytý boıynsha júk kótergish krandardyń mashınısi mamandyǵyn alamyn, – deıdi О́skemen qurylys kolledjiniń ekinshi kýrs stýdenti Pavel Prokopchık. – «VK Development Group» JShS-de mamandyqtyń barlyq qyr-syryna úıretetin tálimgerim bar. Jaqsy maman bolǵym keledi jáne oqýdy aıaqtap, osy kompanııaǵa qaıta oralyp jumys istegim keledi.
О́ńirdiń kásiporyndary da yntymaqtastyqtyń osyndaı túrine múddeli. Bul – óndiristik mindetterdi ońaı oryndaıtyn bilikti maman alýdyń tamasha múmkindigi.
– 2013 jyly dýaldy bilim berý júıesin engizý aıasynda bizdiń kompanııa stýdentterdiń kásibı daǵdylaryn alýy úshin óndiristik alańǵa aınaldy. О́skemen joǵary polıtehnıkalyq kolledjimen yntymaqtastyqta «Jylý elektr stansııalarynyń jylý energetıkalyq qondyrǵylary» bilim berý baǵdarlamasy aıasynda jumys júrgizilip jatyr. Qazir bizde bes stýdent tájirıbeden sátti ótýde, – deıdi «О́skemen JEO» JShS korporatıvtik oqytý ortalyǵynyń jetekshisi Natalıa Slobodchıkova. – Osylaısha, kadrlardy ózimiz tárbıeleımiz. Stýdentter óndiristik proseske sińisip, tolyqqandy qyzmetkerlerge aınalady. 2021 jyly dýaldy oqytý júıesi boıynsha alǵashqy túlekterdi daıarlap shyǵardyq, qazir olardyń keıbiri bizdiń stansııada jumys istep júr.
ShQO bilim basqarmasynyń habarlaýynsha, búgingi tańda óńirdegi kolledjderde dýaldy júıe boıynsha 46 mamandyq boıynsha 3908 stýdent bilim alyp jatyr. Daıarlyq «Kazsınk» JShS, «О́skemen JEO» JShS, «Sogra JEO» JShS, «SMÝ-Shyǵys» JShS, «Rıdder orman sharýashylyǵy» QMM jáne basqa da kásiporyndarmen seriktestikte júrgiziledi.
