EEK keńesi: Elektrmobıldi bajsyz ákelý qarastyryldy

Qazaqstan EAEO-ǵa múshe memleket­terdiń memlekettik satyp alýlary aıasynda alynatyn taýarlardyń tizbesin kezeń-kezeńmen keńeıtip jatyr. Tizim taǵy bir pozısııaǵa keńeıdi, bul – kıim-keshek pen kerek-jaraqtar, onyń ishinde qolǵaptar, rezeńke qolǵaptar bar. Eske sala keteıik, bıyl otandyq kásipkerlerdiń EAEO-ǵa múshe basqa memleketterdiń 63 taýar túri boıynsha memlekettik satyp alýlaryna qoljetimdiligi qamtamasyz etildi. Budan basqa óndiristik jáne tehnologııalyq operasııalardyń biryńǵaı sharttary kózdelmegen 276 taýar pozısııasy boıynsha ST-1 sertıfıkatyn paıdalaný múmkindigi 1 jylǵa uzartyldy.

EAEO-ǵa múshe memleket­terdiń keden­dik shekarasy men aýmaq­tarynda veterı­na­­rııa­lyq baqy­laýdy júzege asyrý­dyń biryń­ǵaı tártibine ózge­ris­­­ter en­gi­zil­di. Atap aıt­qan­da, bir­qatar termın túze­tildi, veterınarııalyq, dárilik, dıag­nos­tıka­lyq, dezın­feksııa­lyq jáne basqa da qural­­dar­­dy, sondaı-aq jemshóp qospa­laryn ákelý jáne aýystyrý shart­tary, veterı­na­rııalyq sertı­fı­kattardyń nysandary anyq­­taldy. Veterınarııalyq baqy­laý kezinde zert­hanalyq synaq­tar júrg­izýdi uıymdastyrý bóli­gin­degi normalar da tolyqtyryldy.

EEK keńesi 2024 jylǵa ar­nal­ǵan EAEO elderine sıyr etin bajsyz ótkizý kvotalaryn bekit­ti. Qazaqstanda ettiń osy túri­n­iń óndirisi ishki qajettilikti is júzinde to­lyǵymen jabatynyn eskere otyryp, eli­miz úshin kvota mólsheri eń tómengi 5 myń tonna kóleminde aıqyndaldy (Reseı – 100 myń tonnaǵa deıin, Armenııa – 8,5 myń tonnaǵa deıin, Belarýs – 7,5 myń tonnaǵa de­ıin, Qyrǵyzstan – 3,5 myń ton­naǵa deıin). Importtalǵan sıyr etiniń qosymsha kólemi óńdeý­ge baǵyttalady. Bul shara elimiz­degi shujyqtar men basqa da et ónim­deriniń qunyn arzandatýǵa múm­kindik beredi dep kútilip otyr.

Eki jylǵa (2025 jylǵy 31 jeltoqsanǵa deıin) EAEO-ǵa múshe memleketterge Elek­tr­mobılderdi bajsyz ótkizý uzar­tyldy. Bul Elektrmobılder naryǵyn odan ári damytýǵa, zarıa­dtaý ınfraqurylymyn damytý­ǵa jáne iri qalalar­daǵy ekologııalyq jaǵdaıdy jaqsartýǵa yqpal etedi.

Joǵary Eýrazııalyq ekonomı­kalyq keńestiń kelesi jyly «Eýrazııalyq ekonomıkalyq jol» deklarasııasyn iske asyrý jónindegi jol kartasyn daıyndaý týraly ókiminiń jobasy kelisildi, ony Joǵary keńes bıylǵy jeltoqsan aıynyń sońynda bekitýdi josparlap otyr. Jobany bıylǵy qazan aıynda Bishkekte EAEO-ǵa múshe memleketterdiń úkimet basshylary maquldady. Bul qujat qaýip­siz jáne básekege qabiletti ónim shyǵarýǵa umtylýǵa ba­ǵyt­talǵan EAEO quqyǵy aıasynda tehnıkalyq retteý jáne stan­darttaý salasyn odan ári damytýdy deklarasııalaıdy. Tujyrymdama standarttardy birizdendirýdi ne úılestirýdi jáne sapa máselelerin ulttyq deńgeıden joǵary deńgeıge berýdi kózdemeıdi.

Sonymen qatar qarashada ótken EEK keńesinde úshinshi el­der­men saýda jasaý kezinde tarıf­­tik emes retteý sharalary qol­danylatyn taýarlardyń eks­por­ty men ımportyna lı­senzııa­lar men ruqsat­tar berý qaǵıd­alarynyń jańa re­dak­sııasy bekitildi. О́zgerister avto­mat­tandyrylǵan rejimde elektrondyq qujat aınalymyna kóshýge da­ıyn elderge lısenzııalardy avtomatty túrde berýge múmkindik beredi.

EEK Keńesiniń kelesi otyrysy 12 jel­toqsanda onlaın rejimde ótedi.