Foto: Ashyq derekkóz
Oǵan qosa medıasaýattylyq sıfrlyq quzyrettiliktermen qatar kez kelgen ınternet qoldanýshysy úshin qajetti daǵdylardyń birine aınalyp keledi. Osyǵan oraı, onlaın-keńistiktegi habarlamalardy synı turǵydan baǵalaýǵa, taldaýǵa, aqparattyq dańǵazadan qorǵaný men kontent qurýǵa jaýapkershilikpen qaraýǵa kómektesý úshin TikTok platformasy «Qaýipsizdik akademııasy» bastamasy aıasynda #Lúpildetbiraqtekser naýqanyn bastady.
Jańa jobanyń mindeti – platforma qoldanýshylaryna medıasaýattylyq negizderin baıandaý, onyń ishinde: ınternettegi aqparatty synı turǵyda baǵalaý ne úshin qajet, derekkózderdiń senimdiligin qalaı tekserýge bolady, nelikten kúmándi kontent taratpaý kerektigi men adasýdyń qurbany bolýdan qalaı saqtaný kerektigin qarastyrý.
Sonymen arnaıy joba úshin tanymal TikTok kreatorlary birqatar bilim berý rolıkterin jazǵan. Oǵan qosa osy jobaǵa at salysyp otyrǵan AlmaU Medıa jáne kıno mektebiniń sarapshylary onlaın-keńistikte mazmundy tutyný men qurýǵa jaýapkershilikpen qaraýdyń mańyzdylyǵy týraly arnaıy efırler ótkizbek.
Mysaly, 28 qarashada medıa-sarapshy jáne «Zııandy medıa ádetterdi ózgertemiz» jobasynyń avtory Baqtygúl Býrbaeva nelikten medıasaýattylyq kez kelgen ǵalamtor paıdalanýshysy úshin negizgi daǵdylardyń biri ekenin túsindirse, 29 qarashada «Medıa jáne aqparattyq saýattylyq» ádistemelik quralynyń avtory Rýslan Qaratabanov aqparatty senimdi derekkózderde qalaı tekserýge, feıkterdiń yqpalyna qalaı túspeýge bolatyndyǵy týraly áńgimeleıdi.
«Kún saıyn mıllıondaǵan TikTok paıdalanýshylary ártúrli derek kózderinen kóptegen aqparat alady. Biz qoǵamdastyq óz músheleriniń aqparatty synı turǵydan baǵalaı bilýin, kúmándi derekkózderin súzgiden ótkizýin, avtorlarymyzdyń mazmun qurýǵa jaýapkershilikpen qaraýyn qalaıtyndyqtan, «TikTok Qaýipsizdik akademııasy» aıasyndaǵy tórtinshi jobamyz medıasaýattylyq taqyrybyna arnaldy», deıdi Shyǵys Eýropa men Ortalyq Azııadaǵy TikTok operasııalyq departamentiniń basshysy Ekaterına Blınes.
ALMATY
