Quqyqtyq tártipti qamtamasyz etýdiń basty sharttarynyń biri – turǵyndardyń tártip saqshylaryna degen senimi. Memleket basshysy Qasym-Jomart Toqaev: «Polısııa qyzmetkerleri, eń aldymen, óz eline, óz halqyna adal qyzmet etýi kerek», dep atap ótken bolatyn Ishki ister mınıstrliginiń alqa májilisinde. О́ńirde quqyq qorǵaý salasynyń materıaldyq-tehnıkalyq bazasyn jaqsartý úshin tıisti qadamdar jasalyp jatyr. Al jańa kólikterdiń kópshiligi alǵash ret aýyldyq eldi mekenderge jiberilgeni qýantyp otyr.
«JAC», «Kia» jáne «Chevrolet Cobalt» markaly qyzmettik avtokólikter ýchaskelik polısııa ınspektorlaryna jáne patrýldik polısııa batalony men rotasynyń ınspektorlary, sondaı-aq qalalyq, aýdandyq polısııa basqarmalary men bólimderi arasynda taratyldy. Avtokólikter belgilengen standarttarǵa saı, barlyq qajetti tehnıkalyq quralmen jabdyqtalǵan jáne quqyq qorǵaý organdaryna qoǵamdyq tártipti buzǵandarǵa jedel den qoıýǵa múmkindik beredi», dep atap ótti óńirlik polısııa departamenti ókilderi. Tehnıkalar «О́nerkásipti damytý qory» AQ-nyń lızıngtik baǵdarlamasy boıynsha satyp alynǵan.
«Jurtqa jaqyn polıseı» qaǵıdasyn ustanǵan kerekýlik tártip saqshylary bıyl respýblıkada alǵashqy bolyp servıstik qyzmet kórsetetin ýchaskelik polısııa pýnktterin qolǵa aldy. Nátıjesinde, jergilikti polısııa pýnktterin ońtaılandyrý júrip jatyr. Pavlodar qalasynda buryn olardyń sany 23 bolsa, qazir nebári 16 polısııa pýnkti jumys istep tur. Mundaı servıster jýyq arada elimizdiń ózge de qalalarynda ashylady dep josparlanyp otyr. «Polısııanyń servıstik modeli» jobasy aıasyndaǵy júıeni damytý jalǵasyn taýyp jatyr. Tártip saqshylarynyń jumysyn turǵyndar úshin tıimdi ete túsýdi kózdeıtin jobaǵa polısııanyń sapaly qyzmeti, klıentke baǵdarlaný, úkimettik emes uıymdarmen, memlekettik mekemelermen turaqty seriktestik jasaý baǵyttary engen.
Pavlodar oblysy
