Aldymen qoǵamdyq dáristiń negizgi maqsaty týraly aıta ketelik. Jalyndy jastardy bıznespen aınalysýǵa jumyldyryp, bul taraptaǵy múmkindikter týraly aqparat berý, yntalaryn arttyrý aıryqsha mańyzǵa ıe.
Oblystyq jastar-resýrstyq ortalyǵynyń basshysy Dastan Ermekov óz sózinde jastarǵa arnalǵan dáris jumyssyzdyqpen kúres jáne jappaı kásipkerlikti damytýǵa dem beretindigin atap ótti. Onyń aıtýynsha, aldaǵy mindetterge qol jetkizý jáne el ekonomıkasynyń turaqty damýy úshin jas kásipkerlerdi qoldaý óte qajet.
Spıkerler bızneske qalaı kelgenin, kásipterin qalaı bastap damytqanyn egjeı-tegjeı aıtyp berdi. «Kóz qorqaq, qol batyr» demekshi, árkim óziniń qolynan keletin kásipti qolǵa alsa, ózine de, mańaıyndaǵy jurtqa da septigi tımek. Jastardyń materıaldyq ıgilikpen qatar rýhanı álemdi nurlandyrýǵa da aıanbaı atsalysýy ábden quptarlyq. Máselen, oblys ortalyǵynda ulttyq ónerdi nasıhattaýǵa atsalysyp júrgen ónerpazdyń biri Aslan Muhamedııarov «Asyl án» ulttyq óner mektebiniń negizgi maqsaty týraly aıtyp berdi.
Is-shara sońynda jastar spıkerlerge ózderiniń qyzyqtyrǵan suraqtaryn qoıyp, tolyqtaı jaýap aldy. Ár spıkerge uıymdastyrýshylar tarapynan alǵys hattar, al stýdentterge sertıfıkattar tabystaldy.
Kókshetaý
