Foto: ashyq derekkózden
Aıaqsyz qalǵan LRT qurylysyn jandandyrýǵa bıyl bıýdjetten 52 mlrd teńge bólingen. Mınıstr bul qarjynyń qaıda jumsalǵanyn aıtyp berdi.
«Ol soma bólinip, irgetas qazyqtaryn qaǵýǵa baǵyttaldy. Jumys 96 paıyz oryndaldy. Al tireý ornatý jumystary 76 paıyz aıaqtaldy. Qurylymdaryn bir-birine jalǵaý jumystary, bilýimshe, 82 paıyz jasaldy. Bul – bıyl aıaqtalǵan jumystar», dedi Marat Qarabaev.
Sondaı-aq ol jumys qarqynyn eseleý úshin qosymsha qarjy qajet bolatynyn málimdedi.
«Kelesi jyly qurylys-montaj jumystaryn aıaqtaý úshin shamamen 45 mlrd teńge kerek bolady. Qazir qurylys alańynda 1,5 myńǵa jýyq jumysshy eńbek etip jatyr. Eger jumys aýqymy keńeıse, onda qosymsha 150 mlrd teńgege deıin qarajat suraımyz. Alaıda nysandy aıaqtaý jospary 2025 jylǵa kózdelgen. Alǵashqyda 8 stansııa men 5 poıyz jumysyn bastaıdy», dedi mınıstr.
