Beınejazba avtory Aq úı, Djons Hopkıns ýnıversıtetiniń jáne Dúnıejúzilik bank portaldaryna súıenedi. Saıttardyń skrınshottaryn kórsete otyryp, ol bılik aldaǵy pandemııa týraly bilip qana qoımaı, oǵan daıyndalyp jatqanyn aıtady.
Aq úıdiń saıtynda AQSh-ta pandemııaǵa daıyndyq jáne oǵan den qoıý saıasaty basqarmasy (OPPR) qurylyp jatqandyǵy týraly aqparat bar. Biraq bul tek COVID-19-ǵa ǵana qatysty emes. Ol polıomıelıt, RSV respıratorlyq vırýsy, qus jáne adam tumaýy, sondaı-aq pandemııa týdyrýy yqtımal basqa aýrýlaryna qatysty áreket etedi. OPPR medısınalyq quraldardy ázirleýge, óndirýge jáne satyp alýǵa jaýapty bolady. Vıdeoda kórsetilgen paraqshada osy basqarmada taǵylymdamadan ótýge qabyldaý júrgizilip jatyr. Jańa pandemııaǵa nemese datalarǵa siltemeler joq.
Djons Hopkıns densaýlyqty qorǵaý ortalyǵynyń saıtynda da jańa pandemııa týraly jazylmaǵan. Beınerolıkte 2017 jylǵy jarııalanymǵa silteme berilgen. Eger taqyrybyn aýdaratyn bolsaq, onyń 2025-2028 jyldarǵa arnalǵan oıdan shyǵarylǵan ssenarıı ekeni belgili bolady. SPARS vırýsy da oıdan shyǵarylǵan. Bul naqty pandemııa paıda bolǵan kezde medısınalyq qyzmetkerlerdiń daǵdylaryn pysyqtaý úshin qajet.
Odan ári rolıkte avtor Dúnıejúzilik bank saıtynda jarııalanǵan qujatty kórsetedi. Ony tez paraqtaı otyryp, ol paıdalanýshyǵa mán-maǵynasyn túsinýge múmkindik bermeıdi. Biraq manıpýlıasııa jasaý úshin qajet kúndi tabady – 2025 jylǵy 31 naýryz. Halyqaralyq qarjy uıymynyń saıtyndaǵy qujattardyń eshqaısysynda jańa pandemııaǵa siltemeler joq.
«Bul feık. Dálelder men rolık avtorynyń málimdemeleri shyndyqqa janaspaıdy», dep qorytyndylady Stopfake.kz portaly.
