mazhilis_kz
«Mass-medıa týraly» jáne oǵan ilespe zań jobasyna qatysty baıandamadan keıin depýtat Ermurat Bapı memlekettik aqparattyq tapsyrystyń bólinisine baılanysty saýal joldady.
«Memlekettik aqparattyq tapsyrysqa tek memlekettik aqparat quraldary qatysatyny kózdelgen. Memlekettik aqparattyq tapsyrysty tek taralymy az memlekettik BAQ-qa berý aqparat salasynda bıýdjet qarajatyn jumsaýdyń tıimsizdigine ákelip soqpaı ma? Táýelsiz BAQ-tyń memlekettik aqparattyq tapsyrysqa qatystyrý múmkindigi ýákiletti organnyń tarapynan zań jobasynda nege qaralmaǵan?», dedi depýtat Ermurat Bapı. Mádenıet jáne aqparat mınıstri A.Balaeva memlekettik aqparattyq tapsyrys boıynsha ózgeris engiziletinin aıtty.
«Memlekettik quzyrly organ retinde buqara halyqty shynaıy aqparatpen qamtyp, memlekettiń saıasatyn jan-jaqty jetkizýge múddelimiz. Sondyqtan da aqparattyq memlekettik tapsyrys tek memlekettik organdarǵa beriledi deý qısynsyz. Biz jekemenshiktegi aqparat quraldarymen de qoıan-qoltyq jumys atqaryp, memlekettik aqparattyq tapsyrysty berip otyrmyz. Memlekettik aqparattyq tapsyrysqa ózgeris engizip, budan bylaı granttyq qarjylandyrý máselesine kóshemiz. О́ıtkeni qazirgi qoldanystaǵy mehanızm boıynsha sózdi, sımvoldy sanaýǵa basymdyq beriledi de, taqyryptyń qamtylýy, ózektiligi jan-jaqty ashylýy keıinge ysyrylyp qalady. Shyǵarmashylyq sapa da tómendeıtini ras. Sondyqtan biz granttyq júıeni engizý arqyly taqyryptyń jan-jaqty ashylýyna basymdyq beremiz. Granttyq joba aldymen respýblıkalyq BAQ-ty qamtıdy, nátıjesi jaqsy bolsa, jergilikti aqparat quraldarynda da qoldanysqa engizemiz», dedi mınıstr.
