aqorda_resmi
Oblys basshysy osy jyly jalpy óńirlik ónimi 4,4 trıllıon teńge bolady degen boljam jasalyp otyrǵanyn aıtty. Investısııalyq jobalardyń jalpyulttyq quramyna aımaqtan quny 1,1 trıllıon teńge bolatyn 42 joba engen.
Bıyl somasy 77 mıllıard teńgeni quraıtyn 8 joba júzege asyrylyp jatyr. О́ńirdiń agroónerkásip kesheninde 37 iri joba oryndalady. Olarǵa salynatyn ınvestısııa mólsheri – 236,4 mıllıard teńge. Elimizde alǵash ret jylyna 4 myń tonna suıyq lesıtın óndirý úshin kúnbaǵys tuqymyn tereń óńdeý ádisi engizilip jatyr. Shaǵyn jáne orta bıznesti damytýǵa qolaıly jaǵdaı jasalýda. Atap aıtqanda, osy baǵyttaǵy jobalarǵa 22 mıllıard teńge kóleminde qoldaý kórsetildi. 2024 jyl oblysta Jol jyly dep jarııalanǵany týraly aıtyldy. Joldardy jóndeýge jáne salýǵa bólinetin qarjyny eki ese ulǵaıtý josparlanyp otyr. Jalpy 600 shaqyrym joldy jáne kóshelerdi jóndeý josparlanǵan. Rıdder jylý elektr ortalyǵynda qalpyna keltirý jumystary júrgizildi. 6 qazandyq agregaty jóndeldi. Búginde Rıdder turǵyndary jylýmen qamtamasyz etilgen. Shekara mańynan Marqakól jáne Katonqaraǵaı atty eki jańa aýdan qurý máselesine erekshe nazar aýdaryldy. Kezdesý qorytyndysy boıynsha Qasym-Jomart Toqaev óńir halqynyń ómir súrý sapasyn arttyrý mańyzdy ekenin atap ótip, Shyǵys Qazaqstan oblysyn áleýmettik-ekonomıkalyq turǵyda odan ári damytýǵa qatysty birqatar mindet júktedi.
