Kóktaıǵaq kóbinese adamdar kóp júretin jerler men jaıaý júrginshiler jolynda bolady. Bul aımaqtar tóbe-saı bolǵandyqtan kóktaıǵaqta júrý qıyndaıdy. Mundaı kezde jaraqat alyp qalmaý úshin qaýipsizdik erejelerin saqtaý mańyzdy.
Syrǵanamaıtyn, tabanynda usaq órnekteri bar aıaq kıimderdi tańdańyz. Bıik óksheli aıaq kıim kııýden bas tartyńyz.
Kóktaıǵaq kezinde qolyńyzdy qaltadan shyǵaryp, bos júrińiz. Bul qulaý yqtımaldyǵyn tómendetedi. Jerde juqa muz qabaty paıda bolǵanda artyq, aýyr sómke arqalamańyz.
Eger muzdy jerdi aınalyp ótýge múmkindik bolmasa muz ústimen shańǵyshy sııaqty qysqa adymdar jasap, baıaý qozǵalyńyz.
Al egde jastaǵy adamdarǵa rezeńke ushy bar nemese arnaıy ushty taıaq qoldanýǵa keńes beriledi.
Kóktaıǵaqta arqamen, betpen qulaǵan óte qaýipti. Bul mıdyń shaıqalýyna ákelip soǵady. Jaraqattanǵan soń ýaqyt ozdyrmaı dárigerlerge júginý qajet.
Joldyń kelesi betine, baǵdarshamnan ótý kerek bolǵanda jasyl tolyq janǵanda júgirmeı ótý kerek.
Aýa raıynyń ózgerýi jáne engizilgen shekteýler týraly aqparatty baqylap otyrý qajet.
