Oblys ákiminiń aıtýynsha bıylǵy 10 aıda óńir ekonomıkasyna 804,4 mıllıard teńge ınvestısııa tartylǵan. Bul kórsetkish ótken jyldyń osy kezeńimen salystyrǵanda 8,2 paıyzǵa kóp. Salynǵan qarjynyń negizgi bóligi, ıaǵnı 725,5 mıllıard teńge jeke ınvestorlarǵa tıesili. Sonyń ishinde óńdeý ónerkásibine 62,6 mıllıard teńge, metall kenin ıgerýge 145,6 mıllıard teńge quıylǵan.
Sondaı-aq bıyl jalpy somasy 57,2 mıllıard teńge bolatyn 19 iri jobany iske qosý josparlanǵan. Barlyq ınvestısııalyq joba úshin jasyl dáliz qaǵıdaty engizilgen.
Ashat Shaharov qazir Aqtóbe – Qarabutaq – Ulǵaısyn avtojolynyń jobalyq-smetalyq qujattary daıyndalyp jatqanyn aıtty.
Ákim Prezıdentke Aqtóbede káriz júıesin tazartý qondyrǵysyn salý jónindegi jobany tanystyrdy. Quny 53,5 mıllıard teńge bolatyn jobany iske asyrý úshin Eýropalyq qaıta qurý jáne damý bankinen qarjy tartylmaq.
Aqtóbe qalasyna «Buhara – Oral» magıstraldy gaz qubyrynan úshinshi jelini tartý jumystary jóninde baıandady. Jobanyń júzege asyrylýy qoldanystaǵy gaz qubyrlarynyń júktemesin azaıtýǵa múmkindik beredi.
