Keshendi jospar bekitildi

Qabyldanǵan keshendi jos­par munaı-gaz, munaı-gaz óńdeý, sondaı-aq munaı-gaz-hımııa salalarynda 20 mańyzdy jobany iske asyrýǵa baǵyttalǵan. Jobalardy iske asyrýǵa 37,3 mlrd dollar kóle­minde ınvestısııalar tartý kózdelip otyr.

Atap aıtqanda, qujatta 2027 jylǵa qaraı «Teńiz», «Qara­shyǵanaq» jáne «Qashaǵan» ken oryndarynda munaı ón­dirý deńgeıin 105,5 mln ton­naǵa deıin jáne gaz óndi­rý deń­geıin 82,1 mlrd tekshe metr de­ıin art­tyrýǵa baǵyttalǵan iri munaı-gaz jobalaryn iske asyrý josparlanǵan.

Sonymen qatar Keshendi jos­par­­daǵy gaz óńdeý zaýyt­tary­nyń qu­rylysy ishki naryq­tyń qa­jet­­tilikterin qana­ǵat­tandyrýǵa aıtar­lyqtaı áser etetinin atap ótken jón.

Budan basqa ishki naryqty munaı ónimderimen qamtamasyz etý maqsatynda úsh jobany iske asyrý kózdelgen. 2029 jyl­ǵa qaraı Shymkent MО́Z-inde ón­diris qýaty 6-dan 12 mln tonnaǵa de­ıin artady dep jos­parlanyp otyr. Nátıjesinde elimizde jy­ly­na 18 mln tonna munaı ónimderi óndiriledi. О́z kezeginde zaýytqa munaı jetkizýdi qamtamasyz etý úshin Keńqııaq-Atyraý munaı qubyryn jylyna 6 mln-nan 15 mln tonnaǵa deıin jáne Keńqııaq-Qumkól munaı qubyryn jylyna 10 mln-nan 20 mln tonnaǵa deıin keńeıtý jobalary iske asyrylady.

Munaı-gaz-hımııa salasy­na qa­tysty qýaty 9,1 mlrd tekshe metr gaz ta­zart­qysh kesheniniń ınf­ra­qu­rylymdyq jobasymen qýaty 1,25 mln tonna polıetı­len óndiretin birinshi ıntegrasııalanǵan gaz-hımııa keshenin salý sııaqty jobalardy iske asyrý munaı-gaz jáne hımııa ónimderin óndirý kólemin edáýir ulǵaıtýǵa, iri ınvestısııalar tartýǵa jáne Teńiz ken orny shıkizatynyń barlyq áleýetin paıdalanýǵa múmkindik beretinin atap ótken jón.

Sonymen qatar geologııa­lyq barlaý jobalaryn iske asyrý jáne ken oryndaryn ıgerý aıasynda ınvestısııalar­dyń jalpy kólemi shamamen 10 mlrd dollardy quraıtyn 7 joba kózdelgen. Onyń ishin­de «Qalamqas-teńiz» jáne «Hazar» ken oryndaryn óndirý jumystaryna da­ıyn­daý, О́riktaý gaz konden­saty ken ornyn damytý, sondaı-aq Qaraton-Podsolevoı geo­logııalyq barlaý negizgi jobalar bolyp tabylady.