Foto: gov.kz
Jyl basynan beri elimizde qyzylshanyń 20 188 jaǵdaıy tirkeldi, onyń ishinde 81% (16351) – 14 jasqa deıingi balalardyń, 3,4% (706) – jasóspirimderdiń, 15,4% (3131) – eresekterdiń arasynda.
Qyzylsha aýrýy barlyq óńirlerde tirkeldi. Shymkent qalasynda joǵary deńgeı baıqaldy – 3069 jaǵdaı (100 myń halyqqa shaqqandaǵy kórsetkish – 263,5), Almaty qalasynda – 3010 jaǵdaı (136,5), Jambyl – 2724 jaǵdaı (224,0), Mańǵystaý – 1701 (218,0), Almaty – 1812 (119,0), Atyraý – 1377 (196,6), Aqtóbe – 1485 (158,7), Qyzylorda oblystarynda – 1182 jaǵdaı (139,8).
«Jalpy respýblıka boıynsha aýrý balalar arasynda vaksınasııalanbaǵan balalardyń úlesi 83,6% -dy qurady (13 670 jaǵdaı)», dedi Manar Smaǵul.
Manar Smaǵul qyzylshaǵa qarsy vaksına 60 jyl boıy qoldanylyp kele jatqanyn jáne aýrýdyń taralýyn toqtatý úshin usynylǵanyn atap ótti. Sonymen qatar ata-analardy balalardy qyzylshaǵa qarsy ýaqtyly vaksınasııalaýǵa, 6-10 aılyq jáne 2-5 jas aralyǵyndaǵy balalarǵa qosymsha ımmýndaýǵa shaqyrdy.
