senate.parlam.kz
Qazaqstanda kórermenderge usynylǵan sheteldik telearnalar sany 300-ge jýyqtaǵan. Jospar boıynsha 2015 jyly búkil el aýmaǵy «sıfrmen» qamtylýy kerek edi, biraq joba 10 jylǵa uzartyldy. Senator B.Jeksenbaı sıfrlyq tehnologııany damytýdyń nátıjesinde oblys ortalyqtarynda 30-ǵa deıin, shalǵaıdaǵy eldi mekenderde 15 arnaǵa deıin habar taratýǵa bolatynyn aıtty.
«Alaıda, ázirge memlekettik arnalardan basqalary úshin mýltıplekste habar taratý arman bolyp otyr. О́ńirlik, ásirese shekaralyq aýmaqtaǵy jekemenshik telearnalar odan oryn ala almaıdy. Sebebi baǵasy ýdaı qymbat. Iаǵnı, jekemenshik arnalardyń damýyna ózimiz kedergi jasap otyrmyz. Aqparattyq qaýipsizdik máselesine durystap nazar aýdaratyn kez keldi. Qazir sıfrlyq efırlik teledıdar Qazaqstan halqynyń 92,66 paıyzyna qoljetimdi eken. Alaıda, elimiz sıfrlyq habar taratýǵa kóshkenimen óńirlerdegi jekemenshik telearnalar burynǵy beıshara kúıinde qalyp otyr. Aqparat taratatyn telearna damymasa, ıdeologııa da bolmaıdy. Ideologııa degenimiz tek Astana, Almatyda ǵana emes, kúlli óńirlerde júrgizilýi tıis», dedi senator. Shekaranyń shebindegi eldi mekenderdiń turǵyndary memlekettik telearnany emes, kógildir ekrannan kórshi eldiń ıdeologııalyq tele ónimin kóretinin aıtty.
Bıbigúl Jeksenbaı jeke arnalarǵa mýltıplekstiń qyzmettik aqysyn arzandatyp jáne shekara mańyndaǵy eldi mekenderdegi otandyq telearnalardyń tizimin keńeıtý qajettigin usyndy.
