Foto: OQK telegram
Qazirdiń ózinde jaǵadan 20 km ketken jerleri bar. Jaıyqtyń quıatyn jerinde 45-50 sm deıin taıazdanyp ketken. Atalǵan tusta kemeniń, balyqtyń ótýine qıyndyqtar týyndap otyr.
Oblys ákiminiń aıtýynsha Memleket basshysy Kaspııdi zertteý jónindegi ınstıtýt qurý jóninde arnaıy tapsyrma bergen. Ǵylym jáne joǵary bilim, Sý resýrstary mınıstrlikterimen birlese otyryp, qazirgi ýaqytta ınstıtýt qurylyp jatyr. Onyń negizgi bóligi Aqtaý qalasynda, Mańǵystaýda bolady, al fılıaly Atyraýda ornalasatyny josparlanǵan.
«Ǵalymdar zerttep, óz usynystaryn berý kerek dep oılaımyn. Kaspııge quıatyn Jaıyqtyń túsimi byltyr da, bıyl da birqalypty boldy, soǵan qaramastan teńiz tartylyp barady. Bul sýdyń túsimine baılanysty emes te shyǵar. Sebebi Kaspııdegi sý aıdynynyń, ishki temperatýrasynyń da ósýi baıqalady. Sondyqtan mamandar zerttegennen keıin ǵana belgili bir sharalar qabyldanyp, jumystar júrgiziledi», dedi oblys basshysy.
