Foto: Túrkistan oblysy ákiminiń baspasóz qyzmeti
Arys qalasyna qarasty Baıyrqum aýylyndaǵy M.Shahanov atyndaǵy mekteptiń robototehnıka úıirmesiniń jetekshisi Orazbek Smaıldan robot jasaýdyń negizin úırenip, únemi bilimin jetildirip kele jatqan Á.Medeý kóp izdenistiń nátıjesinde bıyl adamnyń tolyqtaı qatysýynsyz ózdiginen avtoturaq qyzmetin retteıtin ǵımarat jobasyn oılap tapqan.
Qazirgi ýaqytta iri qalalarda eń ózekti máseleniń biri – avtoturaqtardyń jetkiliksizdigi ekeni málim. Osy turǵyda jas ónertapqyshtyń jobasy kóptegen baıqaýlarda top jarǵan. Al bıyl naýryz aıynda Shýche qalasynda ótken respýblıkalyq baıqaýda II oryndy jeńip alǵan.
Aıta ketsek, jas ǵalym Ádilet Medeý óziniń «Avtomattandyrylǵan avtoturaq» jobasyna avtorlyq quqyqty alý maqsatynda «Qazpatent» ulttyq zııatkerlik menshik ınstıtýtyna qujattaryn ótkizip, zııatkerlik menshik kýáligin alýdy josparlap otyr.
