Foto: Ashyq derekkóz
Jarylys bastapqyda №48K3-batys lava kómir óndirý ýchaskesinde K2 astyndaǵy kómir qabatynan shyǵatyn metan-aýa qospasynyń ornalasýynan bolǵany anyqtaldy, onyń kózi shahta kenjary konveıeriniń jumysynda mehanıkalyq ot shyǵýdan bolǵan.
Bul jarylys shahta óndirisindegi kómir shańynyń kezeń-kezeńmen jarylystaryna ákelgen, sebebi onyń konsentrasııasy ruqsat etilgen normalardan aıtarlyqtaı joǵary bolǵan.
Tergeý barysynda qaıǵyly oqıǵaǵa shahtany paıdalaný kezinde óndiristik jáne órt qaýipsizdigi, sondaı-aq eńbekti qorǵaý erejelerin kóptegen buzýshylyqtarǵa jol berilýi tikeleı baılanysty ekeni anyqtaldy.
Qazirgi ýaqytta kómir óndirý kezinde qaýipsizdik sharalaryn qamtamasyz etpedi degen kúdikpen Qylmystyq kodekstiń 277-babynyń 3-bóligi (Taý-ken jumystaryn júrgizý kezinde qaýipsizdik erejelerin buzý) boıynsha qylmystyq jaýapkershilikke 7 adamnan turatyn shahtanyń basshylyǵy men ınjenerlik-tehnıkalyq quramy tartylyp jatyr.
Qylmystyq prosestik kodekstiń 128-babyna sáıkes kúdiktiler Qaraǵandy oblysyndaǵy Polısııa departamentiniń ýaqytsha ustaý ızolıatoryna qamaldy.
Tergeý aıasynda «Arselor Mıttal Temirtaý» AQ men Tótenshe jaǵdaılar mınıstrliginiń Qaraǵandy oblysy boıynsha О́nerkásiptik qaýipsizdik departamentiniń shahtanyń qaýipsiz jumys isteýine tıisti baqylaýdy qamtamasyz etpegen tıisti tulǵalaryna da quqyqtyq baǵa beriletin bolady.
Tergeý jalǵasyp jatyr jáne erekshe baqylaýda tur.
