BUU-men yntymaqtastyq artady

Jıyn kezinde elimizdiń dıp­lomaty BUU-nyń Naırobıdegi bólimshesi janyndaǵy Qazaq­stannyń Turaqty ókili qyz­metine taǵaıyndalǵany týraly ókilettik sertıfıkat tabys etti. Áńgimelesý barysynda elshi 2030 jylǵa deıingi Turaqty damý maqsattaryna qol jetkizý boıyn­sha BUU kún tártibin iske asyrý jónindegi Qazaqstan qabyldap jatqan sharalar týraly habardar etti. Qazaqstannyń Almaty qalasyndaǵy BUU keńsesin Or­talyq Azııa men Aýǵanstan elderi úshin turaqty damý jónindegi BUU óńirlik ortalyǵy retinde qaıta uıymdastyrý bastamasy boıynsha pikir almasty.

Taraptar Qazaqstanda 2026 jyly BUU qamqorlyǵymen ekologııa boıynsha О́ńirlik sammıt ótkizý jónindegi Qazaqstan usynysyn talqylady. BUU Bas hatshysynyń orynbasary Z.Bangýra Qazaqstannyń ha­lyqaralyq beıbitshilikti, qaýip­sizdik pen ornyqty damýdy ny­ǵaıtýǵa qosqan zor úlesin atap ótti. Ol TDM iske asyrý boıynsha birlesip jumys isteýge, jobalardy iske asyrýǵa járdemdesýge daıyn ekenin bildirdi.

B.Sadyqov BUU Qorshaǵan ortany qorǵaý baǵdarlamasy (UNEP) basshysynyń mindetin atqarýshy Djıan Lıýmen jáne BUU basqarýshy uıym­dary­nyń bólim bastyǵy Ýlf Bornholmmen kezdesti. Tu­raq­ty ókil Qazaqstan Prezı­dentiniń UNEP bas dırektory I.Andersenniń atyna jol­danǵan 2024 jylǵy maýsymda Astana halyqaralyq forýmyna qatysýǵa shaqyrý hatyn tapsyrdy. Qazaqstannyń ShYU-nyń tóraǵasy retinde BUU-nyń Naırobıdegi Klımat jónindegi Bas assambleıasyna (UNEA-6) alǵash ret qatysýdy josparlap otyrǵanyn málimdedi.

BUU-men ózara is-qımyldy keńeıtý, onyń ishinde UNEP-pen klımattyń ózgerýine beıim­delý jáne oǵan qarsy kú­res salasyndaǵy zertteý ynty­maqtastyǵyn damytý máseleleri talqylandy.

Sonymen qatar Qazaqstannyń Turaqty ókili Naırobıde orna­lasqan Halyqty ornalastyrý jónindegi BUU baǵdarlamasynyń (UN-Habitat) Hatshylyǵynda UN-Habitat atqarýshy dırektorynyń orynbasary Maıkl Mlınarmen kezdesý ótkizdi. Kezdesý barysynda B.Sadyqov Qazaqstandaǵy qalalardyń damý jaı-kúıi týraly habardar etti. Jergilikti turǵyndar úshin qalalyq qoǵam­dyq ınfraqurylymnyń jaı­lylyǵy men ekologııalyq taza­ly­ǵyn qamtamasyz etý úshin eldi mekenderdi turaqty ýrbanızasııalaý jáne sapaly josparlaý salasyndaǵy BUU-men ózara is-qımyldyń perspektıvalyq baǵyttaryn atap ótti. Elimiz­de qala qurylysynyń ınklıý­zıvtiligin, turaqtylyǵy men ekologııalyq tazalyǵyn qam­ta­masyz etý maqsatynda BUU-nyń osy qurylymymen ynty­maqtastyqty jandandyrý týraly ýaǵdalastyqtarǵa qol jet­kizildi.

Kezdesýlerdiń qorytyndysy boıynsha taraptar ózara múd­delilik bildiretin BUU kún tártibindegi máseleler boıynsha tyǵyz ózara is-qımyl jasaýǵa kelisti.