Foto: Primeminister.kz
Birinshi kezdesý «Ońtústik Aýstralııanyń mal sharýashylyǵy» iri salalyq uıymymen, MLA (Meat and Livestock Australia) teń quryltaıshysymen ótti. Qaýymdastyq ókilderi ulttyq jáne óńirlik deńgeıdegi fermerlerdi qoldaý sharalary men mindettelgen alymdar, jumys isteý ádisteri týraly aıtyp berdi. Bıoqaýipsizdik pen maldy baqylaý – birinshi oryndaǵy másele.
Kezdesý halyqaralyq oqý ortalyǵy Adelaıda ýnıversıtetinde jalǵasty. Qurǵaq klımatta aýyl sharýashylyǵyn júrgizýge mamandanǵan atalǵan ýnıversıtette stýdentterge birden praktıkalyq tájirıbe alýǵa múmkindik beretin arnaıy ferma bar.
Professor Veın Pıtchfordtyń aıtýynsha, jaýyn-shashyn kartasy – qaı shtatta qandaı daqyl men mal túrin ósirý qajettigin anyqtaıtyn birden-bir faktor. Iri qara mal teńiz jaǵalaýyna jaqyn jerde ósirilip, bordaqylanady, al qoılar qurǵaq jerlerde, astyq daqyldary sý qajettiligin qanaǵattandyra alatyn jerlerde ósiriledi.
Qazaqstan mamandaryn mal ósirý jáne kútip-baǵý tásilderi, jem-shóp rasıony jáne t.b. máseleler qyzyqtyrdy. Mysalǵa naqty ataǵanda, eksporty jaqsy damyǵan el bola tura, olar mal basyn ósirýge asyqpaıdy, sebebi klımattyń nasharlaýyn eskere otyryp, jerdi qunarynan aıyrǵysy kelmeıdi eken.
