Al qazir she? HHI ǵasyrda ómir súrip otyrmyz. Ushaq ushyp, poıyz zýlap, kólikter aǵylyp, alty qurlyqtaǵy aqparat alty sekýndta tarap jatqan ýaqyt qoı. Biraq gazet-jýrnaldar taralymy tómendep tur. El enjar, jurt selqos, poshta qyzmeti shaban. Barlyǵyn qý naryq bir tabaǵa salyp qýyryp jatyr deý taǵy ábestik bolar edi. О́ıtkeni altyn tabaqtan as ishpese de halyqtyń salystyrmaly túrde qarny toq, kóılegi kók. Álbette áleýmettik jeli alǵa shyqty deımiz. Jelidegi jylt etpe jyltyrǵa aldanatyn aǵaıyn artty dermiz. Bul da bile bilgen adamǵa altyn ýaqytty urlap jatqan baıansyz tirlik ekenin baǵamdaı bermeımiz. Sondyqtan shet-shegi joq ınternet keńistigindegi vırtýaldy álemnen vızýaldy dúnıeni qanshalyqty kórseńiz de jadyǵa jattap, sanaǵa qattap úlgermeıtinimizdi túsiner ýaqyt keldi. Oıymyzdy qaıta salmaqtaıyq, barymyzdy qaıta baǵamdaıyq.
Bul – oqý mádenıeti. Oqý mádenıeti – úlken mádenıet. Oqý mádenıetin joǵaltpaıyq. Oqıtyn adam – sanaly adam, tárbıeli tulǵa. Zııalylyqtyń da ósip-óner ortasy – oqý. Oqý – adastyrmas temirqazyq. Oqýsyz adam tárbıeden maqurym. Oqıtyn ult bolý úshin oqıtyn qala, oqıtyn aýyl, oqıtyn azamat, oqıtyn urpaq bolýy kerek.
Al mazmundy, baıypty, oqysańyz oı salatyn ońdy dúnıe áli de dástúrli baspasózde. Merzimdi basylymǵa shyqqan jaqsy materıaldyń bárin el izdep, taýyp oqyp jatqan joq. Gazet-jýrnalǵa jazylsa qolynda turady, kez kelgen ýaqytta oqı alady. Ýaqyt tapshy dersiz. Onda balalaryńyzǵa jazdyryp berińiz. Tym qurysa balalaryńyz oqysyn. Basylymmen dos bolǵan bala oıǵa júırik, qaǵilez bolyp ósedi, ortasyn tabady, jyldam jetiledi.
Qazir «Qazaq gazetteri» seriktestiginde balalar men jasóspirimderge arnalǵan «Baldyrǵan», «Aq jelken» jýrnaldary men «Ulan», «Drýjnye rebıata» gazetteri bar. Bul basylymdardyń mazmuny jas óskindi jetildiredi, jas talapqa jiger beredi. Balańyzdy aqyly ortalyqtarǵa súıreýge qaraǵanda áldeqaıda paıdaly. Bala tárbıesine qalaǵan basylymyna jazdyryp berý arqyly da úles qosa alasyz.
Árıne, bala tárbıeleý – áýeli ózińizdi tárbıeleý. О́zińiz de oqyńyz, ózińiz de jazylyńyz. Siz oqıtyn basylym da «Qazaq gazetteri» seriktestiginde jeterlik. Aıtalyq, «Egemen Qazaqstan» men «Kazahstanskaıa pravda» gazetteri kúndelikti jaryq kóredi. Elmen birge tynystaısyz, eldik sana qalyptastyrasyz. Qazirgi álemniń mıy ashyp turǵan almaǵaıyp zamanda bul óte qajet. Tipti syılyqqa basylymnyń bir jyldyq jazylymyn syılasańyz qandaı ózgeshe tartý bolar edi. Týǵan aýylyńyzǵa, ósken-óngen ortańyzǵa, mektebińizge, aǵaıyn-týysyńyzǵa jazdyrsańyz janyńyzǵa da, jaqynyńyzǵa da jylýlyq uıalaıdy dep bilińiz.
Biz ulttyq biregeılikke uıysýǵa tıispiz. «Ana tili» ult basylymy, dıasporalyq «Ýıǵýr avazı» gazetteri men saıası-qoǵamdyq baǵytta shyǵatyn «Aqıqat», «Mysl» jýrnaldary da osy sanattan tabylatyn sanaýly basylymdarymyzdyń biri.
Baǵalary praıs-paraqshada. Zer salsańyz, qalta qaqpaıtyn soma. Tek erinbeı jazdyryńyz. Baspasóz oqý mádenıetin birge qalyptastyraıyq!
