Búgingi tańda búkil álemde kúndelikti 1 mıllıardtan astam adam TikTok-ta túrli kontent jasap otyr. Degenmen 2023 jyly platformanyń Qazaqstandaǵy qaýymdastyǵy aıtarlyqtaı belsendilik tanytqan. Sonymen jyl sońynda «Qazaqstandaǵy tanymal rolıkter», «Jyl topjarǵany», «Qazaqstan kreatorlary» «Basty hıtter», «Jyldyń mýzykalyq artısi», «Jergilikti bıznes», «TikTok-tan úıren», «TikTok-ta ǵana», «#KitapTok», «Qazaq mádenıeti» atalymdary boıynsha topjarǵan qoldanýshylar anyqtaldy.
Oǵan qosa 2023 jyldan bastap qazaq tilindegi TikTok qosymshasy iske qosyldy. Bıyl TikTok mádenıet jáne sport mınıstrliginiń qoldaýymen Naýryz merekesiniń qurmetine oraı, eń alǵashqy #Naýryz2023 onlaın-festıvalin uıymdastyrǵan. Onlaın-festıval aıasynda jarııalanǵan beınebaıandar 200 mıllıonnan asa qaralym jınady.
Bıyl Mádenıet jáne sport mınıstrliginiń qoldaýymen TikTok-ta eń iri vırtýaldy kitap klýb – #Kitaptok-qa qosyldy. Joba iske qosylǵannan keıin bir ǵana aıdyń ishinde 35 mıllıonnan astam qaralym jınap, bul bastamany ár aımaqtaǵy 18 kitaphana men TikTok kontentindegi tanymal avtorlar qoldaǵan.
Sol sııaqty platformada #Qazaqstanmuǵalimderi jobasy aýqymyn keńeıtti. Baıqaýda mektep muǵalimderimen qosa, kolledjder men joǵary bilim beretin uıymdardyń oqytýshylary da baqtaryn synady. Jarystyń nátıjesi 2023 jyldyń jeltoqsan aıynda jarııa bolady.
О́tip bara jatqan jyldyń sony bastamasy – TikTok pen Kazakh Tourism UQ aýqymdy, uzaq merzimge arnalǵan #Qazaqstangıdin iske qossa, onyń aıasynda qoldanýshylar kórikti mekender, mádenı oryndar men búkil eldegi gastronomııalyq týrızmge arnalǵan oryndar týraly beınebaıandar túsirdi. Jobanyń maqsaty – ishki týrızmge nazar aýdartyp, platforma qaýymdastyǵyn týǵan jerge kóbirek saıahattaýǵa shaqyryp, sondaı-aq shaǵyn jáne orta bızneske qoldaý tanyta otyryp, mádenı jáne týrıstik uıymdarǵa ózderin nasıhattap, jańa aýdıtorııa tartý bolatyn.
Eń bastysy, TikTok úshin qoldanýshylardyń qaýipsizdigi basym baǵyt bolyp qala beretindikten, qoldanýshylarynyń sıfrlyq saýattylyq deńgeıin arttyrýǵa baǵyttalǵan Qazaqstandaǵy «Qaýipsizdik akademııasy» aǵartýshylyq bastamasyn damytýdy jalǵastyrdy. Bıyl osy bastamanyń aıasynda TikTok IýNISEF, AlmaU sııaqty uıymdardyń sarapshylarymen birlesip, birqatar jobany iske qosty.
ALMATY
