Foto: gov.kz
«Zaǵıp jandar arasyndaǵy bıylǵy birinshilikke aıazǵa qaramastan, 13 oblys qatysty. Eki kúnniń ishinde 33 sportshy erler jáne áıelder arasynda ózara úzdikterdi anyqtady. Aldaǵy ýaqytta kórshiles О́zbekstan, Qyrǵyzstan, Tájikstan syndy memlekettermen tájirıbe almasýdy kózdep, sportshylarymyzdy shetke shyǵarýdy josparlaımyz», dedi «Shoýdaýn soqyrlar ústel tennıs federasııasy» qoǵamdyq birlestiginiń tóraǵasy Júzbaı Serikuly.
Týrnırge Astana men Shymkent qalasy, Qaraǵandy, Pavlodar, Jambyl, Mańǵystaý, Atyraý, Abaı, Jetisý, ShQO, Aqtóbe, Almaty, Aqmola oblystary qatysty.
Jarys nátıjesi:
Erler:
- Aıdar Satashev (Astana q.);
- Danııar Saqbosynov (Astana q.);
- Kerim Beksyrǵauly (Astana q.).
Áıelder:
- Gúlsara Qattybekova (Shymkent q.);
- Gúlmıra Jetpisbaeva (Astana q.);
- Aıdana Egeýbaeva (Abaı oblysy).
«Respýblıkalyq týrnırge ekinshi ret qatarynan qatysyp, 2 dúrkin jeńimpaz ataǵyna qol jetkizdim. Chempıondyq ataqty qorǵaý úshin aptasyna 5 kún tyńǵylyqty daıyndaldym. Eńbegim esh ketpedi. Áıtse de, qatysýshylardyń sany artyp, ár jeńis ońaılyqpen kelmedi. Bunymen toqtap qalmaı, ary qaraı da sheberligimdi shyńdaı beremin», dedi erler arasynda jeńimpaz atanǵan Aıdar Satashev.
Jarys qorytyndysy boıynsha jeńimpazdar medal jáne baǵaly syılyqtarmen marapattaldy.
