Kórki kóz tartar kóne qala

Kreatıvti týrızm salasy boıynsha qorshaǵan ortany qorǵaý taqyrybyna arnalǵan «Ego-dan eko-ǵa deıingi» ekologııalyq fotosýretter kórmesi ashyldy. Jobaǵa qatysýshylardyń jumysy negizinen tabıǵatqa beıjaı qaramaýdy nasıhattaıdy. Sonymen qatar Halyqaralyq týrızm jáne meımandostyq ýnıversıtetinde qundy dárister men semınarlar ótip, forým aıasynda baıqaý jeńimpazdary marapattaldy.

Sondaı-aq «Karavansaray» kesheni aýmaǵynda álemdegi iri qalalar ómi­­riniń ajyramas bóligine aınal­ǵan, ásirese eldiń kreatıv ındýs­trııasynyń negizi sanalatyn «Street Performance Fest» is-sharasy ótti. Dál sol kúni Túrkistan qalasynyń tur­ǵyndary men qonaqtary breaking, hip hop, all styles stılderi boıynsha bı festıvalin tamashalady.

Is-shara aıasynda Túrkistan oblysy boıynsha ekologııalyq avtotýr uıymdastyrylyp, oǵan Qazaq­stan, Reseı, О́zbekstan, Qyrǵyz eli­nen kelgen kásibı avtosaıahatshy­lar qatysty. Olar ońtústik óńir­degi Aqmeshit úńgirleri, Leńgir (Bir­kólik), Aqsý-Jabaǵyly, Qazy­ǵurt, Saryaǵash, sondaı-aq Arystan bab, Saýran, Qoja Ahmet Iаsaýı, Kúltóbe sııaqty tabıǵı oryndary men ta­rıhı-mádenı kórikti jerlerimen tanysty. Sonymen qatar Túrkistan qalasynyń Kongress-ortalyǵynda «Kazakhstan Creative Tourism Forum- 2023» kreatıvti týrızm boıynsha aýqymdy forým uıymdastyryldy.

«Forýmnyń maqsaty – saıa­hat­shylardyń jańa býynyn qalyp­tas­tyrý, týrıstik uıymdardyń bá­­se­kege qabilettiligin arttyrý, son­­­daı-aq elimizde kreatıvti klas­ter­­ler men kreatıvti ındýstrııalar or­talyqtaryn qurý jáne damytý, elimizde týrızmniń barlyq túrin damytý jáne ilgeriletý maqsatynda sarapshylar qaýymdastyǵyn bir alańda jınaý», deıdi uıymdastyrýshylar.

Túrkistan – túbi bir, tarıhy ortaq túrki halyqtarynyń túp qazyǵy, rýhanı ordasy. Qala oblys ortalyǵyna aınalǵaly jyl sanap kórkeıip keledi. Túrkistan túrki halyqtarynyń ǵana emes, dúnıe júzindegi kóneniń kózi sa­nalady. Munda jyl saıyn álemniń túk­pir-túkpirinen jáne elimizdiń ár aı­maǵynan mıllıondaǵan týrıst keledi.

«Prezıdenttiń kreatıvti ındýs­trııany ár oblys ortalyǵynda damytý týraly tapsyrmasyna sáıkes Túrkistanda kreatıvti ındýstrııanyń úlken festıvali ótti. Bul baǵytty damytý memleket tarapynan talantty jastardy qoldaýda óte mańyzdy. Atalǵan is-sharalardyń negizgi maq­saty – óńirdegi ekonomıkalyq bel­sendilikti arttyrý jáne jańa jumys oryndaryn ashý», deıdi Týrızm jáne sport mınıstriniń orynbasary Erjan Erkinbaev.

Túrkistan – ejelden saýda-sat­tyq­tyń ortasy, rýhanııat ordasy. Onda ult órkenıetiniń salt-dás­túri men qolóneri saqtalǵan. Son­dyq­tan da onyń týrıstik áleýeti jo­ǵary. Ásirese týrızm klasteriniń basym baǵyty kólik ınfraqurylymy qolaıly jolǵa qoıylǵan. Túrkistan qalasy – tarıhı týrızmniń altyn uıasy. Onda týrısterge tolyqtaı sapaly qyzmet kórsete alatyn oryndar da jeterlik.

Tarıhı týrızm oshaqtary – ta­bıǵaty ásem, shejireli ól­ke. Ob­lys­taǵy IýNESKO-nyń má­denı mura­lar tizimine engizilgen Qo­ja Ahmet Iаsaýı kesenesi, kóne Oty­­rar, Saýran qalashyqtary, Arys­­tan bab, Báıdibek ata, Domalaq ana ke­seneleri men Aqmeshit úńgiri, Túlkibas aýdandarynyń qaıtalanbas ásem tabıǵaty, Aqsý-Jabaǵyly, Qarataý qoryqtary, Saıram-О́gem memlekettik ulttyq tabıǵı parki – talaı saıahatshylardy tamsandyrǵan mekender ári týrısterdi magnıtshe tarta bermek.