Ernurdyń ıdeıasyn júzege asyrýǵa, eksperımenttik model jasaýǵa robototehnıka úıirmesiniń jetekshisi, ustazy Dáýletııar Baqytáli qolǵabys etken.
Jambyl aýdany, Qarǵaly aýylynyń onynshy synyp oqýshysy kózildirik ınfraqyzyl sensormen jabdyqtalǵanyn, joba jolda qaýipsizdikti saqtaýǵa baǵyttalǵanyn aıtty.
«Kózildiriktiń jaqtaýyna ınfraqyzyl sensor ornatylǵan. Arnaıy usaq qurylǵy júrgizýshiniń jaǵdaıyn únemi qadaǵalap otyrady. Kózildirik sharshaý men uıqyǵa ketý belgilerin anyqtaı alady. Eger júrgizýshide osyndaı belgiler baıqalsa, kózildiriktiń ózi dabyldy eskertý jasaıdy», dedi jas ónertapqysh.
Ernur qurastyrǵan biregeı kózildirigine basqa da fýnksııalar ornatyp, tolyqtyryp jatyr. Ol kózildirik naryqqa tússe júrgizýshilerdiń kólik aıdaýyn jeńildetip, jol apatynyń aldyn alatynyna senimdi ekenin jetkizdi.
