17 jeltoqsan kúni Shavkat Rahmonov (17-0) amerıkalyq Stıven Tompsonǵa (17-6-1) qarsy jekpe-jekke shyǵady. Jekpe-jek Qazaqstan ýaqytymen 16 jeltoqsan Táýelsizdik kúnimen tus kelip tur.
Osyǵan baılanysty AQSh-qa arnaıy at terletip barǵan el jýrnalısteri baspasóz qyzmetinde Shavkat Rahmonovqa qazaq tilinde suraq joldady.
«Shavkat, Assalaýmaǵaaleıkým! Búkil Qazaqstan seniń osy jekpe-jegińdi taǵatsyzdana kútip otyr. Táýelsizdik kúni senen tek jeńis kútemiz! Sol úshin jýrnalıster arnaıy keldik. Sen úshin qazaq halqynyń qoldaýy qanshalyqty mańyzdy, ne sezinesiń?», dep surady jýrnalıst.
Shavkat ta óz kezeginde qazaq tilinde jaýap berdi.
«Birinshi kezekte qazaq halqyn Táýelsizdik merekesimen quttyqtaımyn. Bul biz úshin mańyzdy kún. Jeńiske jetý úshin bar kúsh-jigerimdi salamyn», dedi Shavkat.
