1093 halqy bar aýyl buǵan deıin salynǵanyna elý jyldan asqan eski de tar ǵımaratta em-dom alyp júretin. «Aýyl – el besigi» jobasy aıasynda boı kótergen jańa ǵımarattyń ishi keń ári jaryq. Medısınaǵa qajetti qural-jabdyqtarmen tolyq jaraqtandyrylǵan. Atap aıtqanda, hımızator men feldsherdiń egý, qaraý kabınetteri, kıim aýystyratyn, jýynatyn bólmeleri bar. Bul kabınetter alǵashqy medısınalyq kómek kórsetý, turǵyndardy ımmýndaý, taldaý synamalaryn alý úshin kerek-jaraqpen qamtamasyz etilgen.
– FAP bir aýysymda 10 emdelýshini qabyldaýǵa eseptelingen. Olar bul jerde dárigerge deıingi jáne alǵashqy medısınalyq-sanıtarlyq kómek alady. Halyqqa feldsher, akýsher, medbıke, sondaı-aq jalpy praktıka dárigeri qyzmet kórsetedi, – deıdi Abaı aýdandyq aýrýhanasynyń dırektory Aıgúl Báshekova.
Ǵımarattyń jıhazdary jańartylyp, múmkindigi shekteýli jandarǵa yńǵaıly bolý úshin pandýs, shaqyrý túımesi men qozǵalys ındıkatory ornatylypty.
Mundaı ıgi is munymen toqtap qalmaıdy. Aldaǵy jyldary Abaı aýdanynyń eldi mekenderinde «Aýyldyq densaýlyqty jańǵyrtý» ulttyq jobasy boıynsha taǵy segiz medısınalyq mekeme salý josparlanyp otyr. Iýbıleınoe aýylynda FAP ashylýyna jınalǵan jurtty Abaı aýdanynyń ákimi Sábıt Ospanov pen oblystyń Densaýlyq saqtaý basqarmasynyń basshysy Bıbigúl Tólegenova quttyqtap, jańa medısınalyq mekemeni aralap kórdi.
Qaraǵandy oblysy,
Abaı aýdany
