«Qazgıdromet» RMK 18 jeltoqsanda el aýmaǵynda qalyń qar jaýyp, kóktaıǵaq bolatynyn málim qyldy.
Almaty oblysynyń ońtústiginde, taýly aýdandarynda keı ýaqytta tuman, kóktaıǵaq bolady. Shyǵystan soǵatyn jel kúndiz oblystyń ortalyǵynda ekpini 15-20 m/s jetedi.
Almatyda keı ýaqytta tuman, kóktaıǵaq bolady dep boljanyp otyr.
Batys Qazaqstan oblysynyń ońtústiginde tuman túsedi. Oblystyń batysynda, soltústiginde jaıaý burqasyn, kóktaıǵaq. Jel ońtústik-batystan, ońtústikten soǵady, oblystyń batysynda, soltústiginde ekpini 15-20 m/s.
Atyraý oblysynyń soltústiginde, shyǵysynda, ońtústiginde tuman, kóktaıǵaq, jaıaý burqasyn bolady. Soltústik-batystan ońtústik-batysqa aýysyp, kúndiz oblystyń ońtústiginde ekpini 15-20 m/s jel soǵady.
Aqmola oblysynda túnde tek batysynda, al kúndiz oblystyń barlyq aýmaǵynda burqasyn júredi. Ońtústikten jel soǵady, kúndiz oblystyń batysynda ekpini 15-20 m/s bolady.
Abaı oblysynyń ortalyǵynda jaıaý burqasyn bolady dep boljandy. Jel shyǵystan, ońtústik-shyǵystan soǵady, kúndiz oblystyń ortalyǵynda ekpini 15-20 m/s jetedi.
