Jańa temirjol Qazaqstan-Qytaı arasyndaǵy júk tasymaly, taýar ótkizý kólemin 28 mıllıonnan 48 mln tonnaǵa deıin ulǵaıtýǵa múmkindik beredi.
Temirjol qurylysynyń barysynda 11 stansııa, 47 kópir, 23 temirjol jáne 8 avtomobıl ótkeli, 5 jaıaý júrginshiler kópiri, 16 baqylaý qurylysy salynady.
Bul temirjol qurylysy ońtústiktegi ótkizý beketterindegi keptelisterdi azaıtyp, qosymsha tranzıt tartýǵa serpin beredi.
Osy maqsatta otandyq óndirýshilerden 500 myń birlikten astam shpal jáne 36 tonna rels satyp alý josparlanyp otyr. Magıstral qurylysy 1700-den astam adamdy jumys ornymen qamtamasyz etedi.
Telekópir barysynda Álıhan Smaıylov: «Baqty – Aıagóz jobasy Qazaqstan temirjol jelisiniń álemdik kólik júıesine yqpaldasýyn keńeıtedi», dedi.
