Onyń aıtýynsha, tikeleı reısterdiń ashylýy – ázirshe tek birinshi kezeń.
«Tikeleı reıster saıahatshylar úshin qolaıly jaǵdaı jasap qana qoımaı, elimizdi sheteldik týrısterge qoljetimdi etedi. Sonymen qatar týrıster sanynyń artýyna, kelý týrızminiń geografııasyn keńeıtýge jáne týrıstik bızneske jańa múmkindik jasaıdy», dedi Erjan Erkinbaev.
Áýe reısteri eki el arasyndaǵy saýda-ekonomıkalyq baılanystardy damytýda sheshýshi ról atqarady. Olar iskerlik kelissózderdi jeńildetip, saýda men ınvestısııany yntalandyrady. Kýala-Lýmpýr men Almaty arasynda ashylatyn reıster aıasynda bıznes-týrızm aǵynynyń artýy boljandy. Bul tájirıbe men bilim almasýǵa yqpal etip, ınvestısııalaý múmkindigin keńeıtedi.
О́z kezeginde Air Asia ókilderi Kýala-Lýmpýr men Almaty arasynda 2024 jyldyń naýryzynan bastap aptasyna tórt reıs (seısenbi, beısenbi, senbi jáne jeksenbi) jıiligimen tikeleı turaqty jolaýshylar reısin iske qosýǵa nıetti ekenin jetkizdi.
Áýe kompanııasy ókilderiniń aıtýynsha, bul qadam eki el arasyndaǵy týrıstik, saýda-ekonomıkalyq jáne ınvestısııalyq yntymaqtastyq úshin jańa múmkindikter ashpaq.
