Jeltoqsannyń úshinshi onkúndiginde jurtshylyq merekelik kóńil kúıde bolady. Kópshilik merekeniń lebin tolyq sezinýdi kún raıyna da baılanystyryp jatady.
Dese de sınoptıkter aıdyń sońǵy kúnderi el aýmaǵynda jaýyn-shashyn, qar mólsheri az ekenin málim qyldy. 31 jeltoqsan kúni tek Batys, Shyǵys Qazaqstan, Jetisý, Almaty oblystarynda qar jaýady dep boljanǵan.
Mańǵystaýda jańa jyl kúni joǵary temperatýra bolýy múmkin. Kúndiz +3+8°S, túnde -2+3 °S gradýs jyly bolmaq.
О́zge óńirlerde jaýyn-shashyn túspeıdi. Termometrdegi temperatýra - 3 - 7 °S gradýs salqyn aýa raıy kútiledi.
Al megapolısterge keler bolsaq, Astana men Shymkentte jańa jyl kúni qar jaýmaıdy. Bas qala aspany bul kúni bultty, temperatýra kórsetkishi kúndiz - 5 -7°S, túnde - 10 -12°S gradýsty kórsetip, jyldamdyǵy 5-10 m/s bolatyn jel batystan soǵady.
Shymkentte kún qubylmaıdy. Kúndiz 0-5 °S, túnde -2-7 °S salqyn bolady.
Al almatylyqtar jańa jyldy «aq ulpaly atmosferada» qarsy alady. Sınoptıkter 31 jeltoqsan kúni Almatyda qar jaýady, aýa temperatýrasy kúndiz 0-2 °S, túnde -3-5°S gradýs tómen bolady dep boljap otyr.
