Dál táýelsizdik kúni qarsańynda kóz tartatyn osynaý qulyn jetektegen balanyń oń qolyn áldebir buzaqylardyń «kesip áketkeni» qala turǵyndarynyń narazylyǵyn týǵyzdy. Buǵan qatysty Semeı qalasy ákimdigi tarapynan jaýap bolmady.
Al, keshe keshkisin Abaı oblystyq polısııa departamenti mádenı nysandy búldirip ketkender izdestirilip jatqanyn habarlady.
Aıta keteıik, týyndy avtory — Nurbol Qalıev, QR Sýretshiler Odaǵynyń múshesi. Semeıdegi «Aqyn Abaı balalarymen» jáne «Ustaz ben shákirt» eskertkishterimen de tanymal.
Nubol Qalıevti ótken jyly Memleket basshysy «Qurmet» ordenimen marapattaǵan bolatyn.
Atalǵan jarııalanymǵa qatysty, Abaı oblysy Polısııa departamenti Semeı qalasy Polısııa basqarmasynyń Ortalyq polısııa bólimi Arbatta ornatylǵan músinniń búlinýine qatysty 2023 jyldyń 16 jeltoqsanynda QR Qylmystyq kodekstiń 293-babynyń 1-tarmaǵy «Buzaqylyq» boıynsha sotqa deıingi tergeýdi bastaǵanyn habarlady.
Atalǵan baptyń sanksııasy eki myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne alty júz saǵatqa deıingi merzimge qoǵamdyq jumystarǵa tartýǵa ne eki jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrý jazasy kózdelgen.
Qazirgi ýaqytta jasalǵan qylmysty ashýǵa baǵyttalǵan jedel-izdestirý sharalary júrgizilip jatyr.
