Buǵan deıin avtobýs júrgizýshisin soqqyǵa alǵan er adamǵa qatysty Qylmystyq kodekstiń 293-baby (buzaqylyq) jáne Qylmystyq kodekstiń 351-baby (eki nemese odan da kóp adamnyń ólimine ákep soqtyrǵan kólikti qaýipsiz paıdalanýdy qamtamasyz etý qaǵıdalaryn buzý) boıynsha qylmystyq is qozǵalǵan edi.
Almaty qalasynyń mamandandyrylǵan aýdanaralyq tergeý sotynyń habarlaýynsha, 24 jeltoqsanda sot sheshimimen sotqa deıingi tergep-tekserý organynyń ótinishi qanaǵattandyrylyp, kúdikti 2 aı merzimge qamaýǵa alyndy.
Aıta keteıik, 22 jeltoqsan kúni Almatyda qoǵamdyq kólikte janjal týyndap, júrgizýshi áıel adamdy urǵan. Baqylaýdan shyǵyp ketken qoǵamdyq kólik aıaldamada turǵan adamdardy qaǵyp, tórt kólikpen soqtyǵysty. Saldarynan úsh adam qaıtys bolyp, tórteýi jaraqat alyp, aýrýhanaǵa jetkizildi.
«Úsh eresek adamǵa jabyq bassúıek-mı jaraqaty, mı shaıqalýy, bireýine sol jaq jambas súıeginiń synyǵy dıagnozy qoıylyp №7 qalalyq klınıkalyq aýrýhanaǵa jatqyzyldy. Tórtinshi zardap shekken 15 jastaǵy bala sol taban súıekteriniń synýy dıagnozymen №2 qalalyq balalar klınıkalyq aýrýhanasyna jatqyzyldy. Zardap shekkenderge psıhologııalyq kómekti qosp, barlyq qajetti medısınalyq kómek tolyq kólemde kórsetilip jatyr», dep habarlady qalalyq densaýlyq saqtaý basqarmasynyń baspasóz qyzmeti.
