Foto: ashyq derekkóz
Belgili bolǵandaı, búginde mınıstrliktiń aqparattyq júıeleri synaqtan ótip jatyr, al 2024 jyldyń 1 qańtarynan bastap paıdalanýǵa daıyn bolady.
«Tólemder proaktıvti formatta júzege asady jáne bir tólemmen júredi. Tólemdi alǵanǵa deıin qyzmetker eńbek resýrstary portalynda óziniń jeke kabınetindegi aldyn ala esepteýge suraý salý arqyly tólemniń mólsherin bile alady. Avtorızasııadan ótip, óz logınin engizýi kerek. Eger azamat sol jerde kórsetilgen somaǵa qanaǵattansa, ótinish beredi. Soǵan saı jumys berýshi bizdiń biryńǵaı júıege eńbek sharty buzylǵany týraly tıis aqparatty engizedi. Sodan keıin biz maket daıyndap, tólem jasaımyz», dedi Svetlana Jaqypova.
Mınıstr buǵan deıin Qazaqstandaǵy 2030 jylǵa deıingi qaýipsiz eńbek tujyrymdamasyn usynǵan edi. Svetlana Jaqypovanyń aıtýynsha, tujyrymdamanyń maqsaty - jumysshylardyń eńbek ómiriniń sapasyn jaqsartý jáne eńbek resýrsyn únemdeý.
Túsindirilgendeı, bul Qazaqstandaǵy óndiris jaraqatynyń kóbeıýine baılanysty qajet. Resmı statıstıkaǵa saı, 2022 jyly jumys ornynda zardap shekkender sany 2021 jylmen salystyrǵanda 15%-ǵa, kásiptik aýrýlar 8%-ǵa ósken.
