Sodan habar-osharsyz ketken. Sýyq habar polısııaǵa jetisimen, dereý jedel izdestirý sharalary bastaldy. Polısııanyń izdeý toby keshe kúni boıy jaıaýlap júrip, qas qaraıǵansha Stepnoe men Aısarynyń arasyn, Qostanaı qalasyna aparatyn kúre joldyń boıyndaǵy ormandy súzip shyqty.
Búgin tańǵy 8-de izdeý sharalary qaıta jalǵasty. Izdeý sharalaryna 120-ǵa jýyq adam, 6 tehnıka qatysqan. Onyń ishinde 35 polıseı, 30 TJD qyzmetkeri, 30 áskerı jáne ákimdik ókilderimen erikti izdeý-qutqarý jasaǵynyń eriktileri bar.
Oblystyq PD krımınaldyq polısııa basqarmasy izdestirý bóliminiń bastyǵy, polısııa podpolkovnıgi Tileýberdi Nurahmetovtiń aıtýynsha, aqtútek boranda úsip qalǵan zeınetker men nemeresiniń múrdesi Stepanov aýylynyń shetinen tabylǵan. Qazir tergeý sharalary júrip jatyr.
