Mınıstr tarıfterdi kóterý máseleleri boıynsha keıbir qoǵamdyq tyńdaýlar ótkenin atap ótti. Bul eń áýeli kommýnaldyq ınfraqurylymy nasharlaǵan aımaqtarǵa qatysty.
«Qyzyl aımaqta 87 tabıǵı monopolııa sýbektisi boldy. Sýbektige jáne onyń nasharlaýyna baılanysty eń shuǵyl ótinishter men talqylaýlar ótti», dedi Álibek Qýantyrov
Barlyq salada tarıf baǵasy kóteriledi.
«Energetıka, gazdandyrý, sýmen jabdyqtaý, káriz, jylýmen qamtý – biraq bunyń bári kezeń-kezeńimen bolady. Aımaqtarda tozýyna baılanysty, 15-30 paıyzǵa deıin bolady. Biraq ár óńirde ártúrli», dedi Ulttyq ekonomıka mınstri.
Strategııalyq taýarlar baǵasynyń qymbattaýy men elektr energııasynyń qymbattaýy – Qazaqstanda kommýnaldyq qyzmet tarıfteriniń ósýine áser etetin negizgi faktorlardyń biri. 6 qarashada 2023 jyldyń ekinshi toqsanynda «Investısııaǵa aıyrbas tarıfi» baǵdarlamasyn iske asyrý aıasynda Ulttyq ekonomıka mınıstrligi tarıfterdi kóterýge 212 ótinimdi maquldady. Bul ótinimderdi kommýnaldyq kásiporyndar – tabıǵı monopolııalar sýbektileri bergen.
